കർണാടക വഖഫ് ബോർഡ് ചെയർമാൻ എൻ.കെ.എം ശാഫി സഅദി രാജിവെച്ചു

കർണാടക വഖഫ് ബോർഡ് ചെയർമാൻ എൻ.കെ.എം ശാഫി സഅദി രാജിവെച്ചു. വഖഫ് ബോർഡ് ചെയർമാനായിരുന്ന ഡോ. മുഹമ്മദ് യൂസുഫിന്റെ നിര്യാണത്തെ തുടർന്നാണ് ഒന്നര വർഷം മുമ്പ് തെരഞ്ഞെടുപ്പിലൂടെ ശാഫി സഅദി വഖഫ് ബോർഡ് ചെയർമാനായി തെരഞ്ഞെടുക്കപ്പെടുന്നത്. ഒന്നര വർഷത്തെ ധാരണാ കാലാവധി അവസാനിച്ചതിനെ തുടർന്നാണ് രാജിവെച്ചതെന്നാണ് സൂചന. മുട്ടല വഖഫ് ഡിവിഷനിൽ നിന്നുള്ള ബോർഡ് അംഗമായ അൻവർ ചിത്രദുർഗയും ബാർ കൗൺസിൽ പ്രതിനിധി അഡ്വക്കേറ്റ് റിയാസ് ഖാനും ധാരണ പ്രകാരം അടുത്ത തെരഞ്ഞെടുപ്പിൽ വഖഫ് ബോർഡ് ചെയർമാൻ സ്ഥാനത്തേക്ക് മത്സരിക്കാനാണ് സാധ്യത. അടുത്ത പ്രസിഡന്റ് തിരഞ്ഞെടുപ്പ് വരെ ശാഫി സഅദി ഇടക്കാല പ്രസിഡന്റായി തുടരും.