പിങ്ക് പൊലീസിന്റെ പരസ്യവിചാരണ; ഇനി യൂണിഫോം വേണ്ട; ഉദ്യോഗസ്ഥയ്ക്ക് എതിരെ ഉത്തരവ്
തിരുവനന്തപുരം: അച്ഛനെയും മകളെയും മോഷ്ടാക്കളെന്ന് ആരോപിച്ച് പരസ്യമായി അപമാനിച്ച സംഭവത്തില് പിങ്ക് പൊലീസ് ഉദ്യോഗസ്ഥയ്ക്കെതിരേ എസ് സി- എസ് ടി കമ്മീഷന്റെ ഉത്തരവ്. പിങ്ക് പോലീസ് ഉദ്യോഗസ്ഥയായ രജിതയെ യൂണിഫോമിലുള്ള ജോലിയില്നിന്ന് ഒഴിവാക്കണമെന്നാണ് കമ്മീഷന്റെ ഉത്തരവ്
പൊതുജനങ്ങളുമായി നേരിട്ട് ബന്ധപ്പെടുന്ന ജോലികളില്നിന്ന് ഉദ്യോഗസ്ഥയെ മാറ്റിനിര്ത്തണമെന്നും നിര്ദേശമുണ്ട്. പൊലീസ് ഉദ്യോഗസ്ഥയുടെ പ്രവൃത്തി സേനയുടെ അന്തസ്സിന് കളങ്കമേല്പ്പിച്ചെന്നും കമ്മീഷന് വിലയിരുത്തി.
പിങ്ക് പൊലീസ് സ്ക്വാഡിലെ ഉദ്യോഗസ്ഥ സിപി രജിതയാണ് തോന്നയ്ക്കല് സ്വദേശിയായ ജയചന്ദ്രനെയും മകളെയും മൊബൈല് മോഷ്ടാക്കളാക്കി ചിത്രീകരിക്കാന് ശ്രമിച്ചത്. ഇവര് തന്റെ മൊബൈല് മോഷ്ടിച്ചെന്ന് ആരോപിച്ച് പൊലീസ് ഉദ്യോഗസ്ഥ ഇരുവരെയും പരസ്യമായി വിചാരണ ചെയ്യുകയായിരുന്നു. ഓഗസ്റ്റ് മാസത്തിലായിരുന്നു സംഭവം. ഇത് വിവാദമായതോടെ രജിതയെ റൂറല് എസ്.പി. ഓഫീസിലേക്ക് സ്ഥലംമാറ്റിയിരുന്നു. എന്നാല് ഉദ്യോഗസ്ഥക്കെതിരേ കര്ശന നടപടി വേണമെന്നായിരുന്നു ജയചന്ദ്രന്റെയും കുടുംബത്തിന്റെയും ആവശ്യം. വിവിധ സംഘടനകളും ഇവര്ക്ക് പിന്തുണമായി രംഗത്തെത്തിയിരുന്നു.