എസ്.എസ്.എല്.സി പരീക്ഷാഫലം പ്രഖ്യാപിച്ചു: 99.5 % വിജയം
തിരുവനന്തപുരം: എസ്എസ്എല്സി പരീക്ഷാ ഫലം പ്രഖ്യാപിച്ചു. 424583 പേര് ഉപരിപഠനത്തിന് യോഗത്യ നേടി.99.5 ശതമാനം വിദ്യാര്ഥികള് വിജയിച്ചു.
വിദ്യാഭ്യാസ മന്ത്രി വി ശിവന്കുട്ടിയാണ് ഫലപ്രഖ്യാപനം നടത്തിയത്. വിജയം കഴിഞ്ഞ വര്ഷത്തേതിനേക്കാളും .1 ശതമാനം കുറവാണ്. കഴിഞ്ഞവർഷം 99.69% ആയിരുന്നു വിജയം.
എല്ലാ വിഷയത്തിലും 61449 പേര് എ പ്ലസ് നേടി. പാല, മാവേലക്കര വിദ്യാഭ്യാസ ജില്ലയില് നൂറുശതമാനം വിജയം. ഏറ്റവും കുറവുള്ള വിദ്യാഭ്യാസ ജില്ല ആറ്റിങ്ങല്. റവന്യൂ ജില്ലകളില് ഏറ്റവുമധികം വിജയം നേടിയത് കണ്ണൂര്, 99.87 ശതമാനം. കുറവ് തിരുവനനന്തപുരം.ഏറ്റവും കൂടുതല് എപ്ലസ് ലഭിച്ചത് മലപ്പുറം ജില്ലയിലാണ് 4115 വിദ്യാര്ഥികള്.
ആകെ 4,27,021 വിദ്യാര്ഥികളാണ് ഈ വര്ഷം എസ്എസ്എല്സി പരീക്ഷ എഴുതിയത്. മുന് വര്ഷങ്ങളിലേതിന് സമാനമായി ഔദ്യോഗിക വെബ്സൈറ്റുകള്ക്ക് പുറമെ ഡിജിലോക്കര് വഴിയും എസ്എംഎസ് വഴിയും ഫലം അറിയാന് സൗകര്യമുണ്ട്.
വൈകിട്ട് നാലു മണി മുതല് പിആർഡി ലൈവ് മൊബൈല് ആപ്പിലൂടെയും താഴെ പറയുന്ന വെബ്സൈറ്റുകളിലൂടെയും ഫലമറിയാം. https://pareekshabhavan.kerala.gov.in, https://prd.kerala.gov.in, https://results.kerala.gov.in, https://examresults.kerala.gov.in, https://kbpe.kerala.gov.in, https://results.digilocker.kerala.gov.in, https://sslcexam.kerala.gov.in, https://results.kite.kerala.gov.in.
എസ്എസ്എല്സി (എച്ച്ഐ) ഫലം https://sslchiexam.kerala.gov.in ലും ടിഎച്ച്എസ്എല്സി (എച്ച്ഐ) ഫലം https://thslchiexam.kerala.gov.in ലും എഎച്ച്എസ്എല്സി ഫലം https://ahslcexam.kerala.gov.in ലും ടിഎച്ച്എസ്എല്സി ഫലം https://thslcexam.kerala.gov.in/thslc/index.php എന്ന വെബ്സൈറ്റിലും ലഭിക്കും.