തമിഴ്നാടിനെ ഞെട്ടിച്ച് നിക്ഷേപതട്ടിപ്പ്; ആറായിരം കോടി തട്ടിയെടുത്ത് ഉടമകൾ മുങ്ങി
ചെന്നൈ∙ ഒരു ലക്ഷത്തിലധികം പേരില് നിന്നായി ആറായിരം കോടി രൂപ തട്ടിയെടുത്ത് വെല്ലൂര് ആസ്ഥാനമായ എല്എന്എസ് ഇന്റര്നാഷനല് ഫിനാൻസ് ലിമിറ്റഡ് സ്ഥാപനത്തിന്റെ ഉടമകള് മുങ്ങി. മദ്രാസ് ഹൈക്കോടതി നിര്ദേശപ്രകാരം പൊലീസ് കേസെടുത്തതോടെയാണ് ഉടമകള് മുങ്ങിയത്. കമ്പനിയുടെ ഏജന്റുമാരില് ഒരാള് നിക്ഷേപകരെ പേടിച്ചു സ്വന്തം വീട്ടില് തൂങ്ങിമരിച്ചു. ഇതോടെ പ്രതികള്ക്കായി വ്യാപക തിരച്ചില് തുടങ്ങി.