കാസര്‍കോട് ജില്ലക്കാരായ ബി.പി.എല്‍ വിഭാഗത്തില്‍പ്പെട്ടവര്‍ക്ക് ആര്‍-ടി പി സി ആര്‍ പരിശോധന സൗജന്യം
കാസര്‍കോട്: കര്‍ണാടകയിലേക്ക് ദിവസേന യാത്ര ചെയ്യുന്നതിന് പാസ് ആവശ്യമുള്ള കാസര്‍കോട് ജില്ലക്കാരായ ബി.പി.എല്‍ വിഭാഗത്തില്‍പ്പെട്ടവര്‍ക്ക് ആര്‍-ടി പി സി ആര്‍ പരിശോധന സൗജന്യമായി ചെയ്തുകൊടുക്കുമെന്ന് കളക്ടര്‍ പറഞ്ഞു. മറ്റുള്ളവര്‍ സ്വന്തം ചെലവില്‍, ജില്ലയിലെയോ കര്‍ണാടകയിലെയോ ആശുപത്രികളില്‍ നിന്ന് ഈ പരിശോധന നടത്തണം. ഇപ്രകാരം സര്‍ക്കാര്‍ സംവിധാനത്തില്‍ ആര്‍ ടി -പി സിആര്‍ പരിശോധന നടത്തുന്നതിന് കാസര്‍കോട് ്, കാഞ്ഞങ്ങാട്, മഞ്ചേശ്വരം എന്നിവിടങ്ങളിില്‍ പരിശോധനാ സൗകര്യം ഏര്‍പ്പെടുത്തേണ്ടതാണെന്ന് കളക്ടര്‍ ജില്ലാ മെഡിക്കല്‍ ഓഫീസര്‍ക്ക് നിര്‍ദേശം നല്‍കി.
ഈ പരിശോധന നടത്തിയതിന്റെ സര്‍ട്ടിഫിക്കറ്റില്ലാതെ വരുന്ന യാത്രക്കാര്‍ക്ക് ആന്റിജന്‍ ടെസ്റ്റ് ചെയ്യുന്നതിന് ആവശ്യമായ സജ്ജീകരണവും തലപ്പാടിയില്‍ ജില്ലാ മെഡിക്കല്‍ ഓഫീസര്‍ ഒരുക്കണം.സര്‍ട്ടിഫിക്കറ്റിലാതെ വരുന്ന യാത്രകാരെ പോസിറ്റീവായി കണ്ടെത്തിയാല്‍ സിഎഫ് എല്‍ ടി സി കളിലേക്ക് കൊണ്ടുപോകും.
നെഗറ്റീവ് ആണെങ്കില്‍ മാത്രം തുടര്‍യാത്ര അനുവദിക്കും