ശക്തി കുറഞ്ഞു, മഴ തുടരും; ഇന്ന് എട്ട് ജില്ലകളില് യെല്ലോ അലര്ട്ട്
തിരുവനന്തപുരം; ബംഗാള് ഉള്ക്കടലിലും അറബിക്കടലിലും രൂപം കൊണ്ട ന്യൂനമര്ദ്ദം ദുര്ബലമായ സാഹചര്യത്തില് സംസ്ഥാനത്ത് മഴയുടെ ശക്തി കുറഞ്ഞു. അറബിക്കടലില് മണ്സൂണ് കാറ്റ് ശക്തമാണെങ്കിലും, കൊങ്കണ് തീരത്താണ് ഇതിന്റെ സ്വാധീനം ഇപ്പോഴുള്ളതെന്നും കാലാവസ്ഥ നിരീക്ഷണകേന്ദ്രം അറിയിച്ചു.
എന്നാല് മധ്യ വടക്കന് കേരളത്തില് ഇന്നും നാളെയും മഴ തുടരും. നാളെ എറണാകുളം മുതല് കാസര്കോട് വരെയുള്ള ജില്ലകളില് യെല്ലോ അലര്ട്ടായിരിക്കും. കേരള തീരത്ത് കാറ്റിന്റെ വേഗം 50 കി.മി.വരെയാകാന് സാധ്യതയുള്ളതിനാല് മത്സ്യ തൊഴിലാളികള് കടലില് പോകരുതെന്ന് കാലാവസ്ഥ കേന്ദ്രം മുന്നറിയിപ്പ് നല്കിയിട്ടുണ്ട്