വരാനിരിക്കുന്ന തമിഴ്നാട് നിയമസഭാ തെരഞ്ഞെടുപ്പിൽ മത്സരിക്കുമെന്ന് നടൻ കമൽഹാസൻ
ചെന്നൈ: അടുത്ത തമിഴ്നാട് നിയമസഭാ തെരഞ്ഞെടുപ്പില് മത്സരിക്കുമെന്ന് മക്കള് നീതി മയ്യം നേതാവും നടനുമായ കമല് ഹാസന്. തന്റെ നിയോജകമണ്ഡലം ഏതെന്ന് പിന്നീട് പ്രഖ്യാപിക്കുമെന്നും കമല്ഹാസന് അറിയിച്ചു. തെരഞ്ഞെടുപ്പ് പ്രചാരണത്തിന് തുടക്കം കുറിച്ച് തമിഴ്നാട്ടില് നടത്തുന്ന പര്യടനത്തിനിടെ മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
രജനികാന്തുമായി ചേര്ന്ന് പ്രവര്ത്തിക്കുന്ന കാര്യം പരിഗണയിലുണ്ടെന്നും കമല് പറഞ്ഞു
ഡിസംബര് 31-ന് രജനികാന്തിന്റെ പാര്ട്ടി പ്രഖ്യാപനത്തിന് ശേഷം ഇക്കാര്യത്തെക്കുറിച്ച് ചിന്തിക്കും. രജനി എന്റെ എതിരാളിയല്ല. ഞങ്ങള് ഒരേവഴിയിലൂടെ സഞ്ചരിക്കുന്നവരാണ്. ഞങ്ങളെ തമ്മിലടിപ്പിക്കാന് പലരും ശ്രമിക്കുന്നുണ്ടെന്നും കമല്ഹാസന് പറഞ്ഞു.
അഴിമതി ഇല്ലാതാക്കുകയെന്നതാണ് മക്കള് നീതി മയ്യത്തിന്റെ പ്രധാനലക്ഷ്യമെന്നും പാര്ട്ടിക്ക് ജനങ്ങളുടെ ഇടയില് ലഭിക്കുന്ന പിന്തുണയില് എഐഎഡിഎംകെയ്ക്ക് കടുത്ത ആശങ്കയുണ്ടെന്നും കമല് കൂട്ടിച്ചേര്ത്തു.