സൗജന്യമായി ആധാര് കാര്ഡ് അപ്ഡേറ്റ് ചെയ്യാനുള്ള സമയപരിധി നീട്ടി; അവസരം ഇതുവരെ മാത്രം
ന്യൂഡൽഹി: രാജ്യത്ത് ഒരു പൗരന്റെ അടിസ്ഥാന രേഖകളില് ഒന്നാണ് ആധാര് കാര്ഡ്. സര്ക്കാര് നല്കുന്ന എല്ലാവിധ ആനുകൂല്യങ്ങളും ലഭിക്കണമെങ്കില് തിരിച്ചറിയല് രേഖയായി ആധാര് ആവശ്യമായുണ്ട്.
പത്ത് വര്ഷമായി ആധാര് എടുത്തിട്ടെങ്കില് അത് പുതുക്കാനുള്ള സമയമാണ് ഇത്. മാര്ച്ച് 15 നാണ് പത്ത് വര്ഷം പൂര്ത്തിയാക്കിയ എല്ലാ ആധാര് കാര്ഡുകളും നിരബന്ധമായി പുതുക്കണമെന്ന് സര്ക്കാര് പ്രഖ്യാപിച്ചത്. ജൂണ് 14 വരെ ഇത് സൗജന്യമായി നല്കുമെന്ന് പറയുകയും ചെയ്തിരുന്നു. കഴിഞ്ഞ ദിവസമാണ് സൗജന്യമായി ആധാര് കാര്ഡ് പുതുക്കാനുള്ള സമയ പരിധി അവസാനിച്ചത്. എന്നാല് ഇനിയും ആധാര് പുതുക്കാത്തവര്ക്ക് സന്തോഷ വാര്ത്തയുണ്ട്. സൗജന്യമായി ആധാര് കാര്ഡ് പുതുക്കാനുള്ള സമയ പരിധി കേന്ദ്രം ഇപ്പോള് സെപ്റ്റംബര് 14 വരെ നീട്ടിയിരിക്കുകയാണ്.
ഒരു വ്യക്തിയുടെ പേര്, വിലാസം, ആധാറിന്റെ മറ്റ് വിശദാംശങ്ങള് എന്നിവ സമയപരിധിക്ക് മുമ്ബ് അപ്ഡേറ്റ് ചെയ്യേണ്ടത് നിര്ബന്ധമാണ്. ആധാര് ഇഷ്യൂ ചെയ്യുന്ന സ്ഥാപനമായ യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐഡിഎഐ) നിങ്ങളുടെ ആധാര് കാര്ഡ് സൗജന്യമായി അപ്ഡേറ്റ് ചെയ്യാനുള്ള സമയം നീട്ടി നല്കിയിരിക്കുകയാണ്.
ഐഡന്റിറ്റി പ്രൂഫ് ആയി ഉപയോഗിക്കുന്നതിനാല്തന്നെ നിങ്ങളുടെ ആധാര് അപ്ഡേറ്റ് ചെയ്യേണ്ടത് നിര്ബന്ധമാണെന്ന് യുഐഡിഎഐ പറഞ്ഞു. സാധാരണയായി, നിങ്ങളുടെ ആധാര് അപ്ഡേറ്റ് ചെയ്യുന്നതിന് 50 രൂപ ചിലവാകും, എന്നാല് സെപ്റ്റംബര് 14-ന് മുമ്ബ് ഇത് ഔദ്യോഗിക പോര്ട്ടല് വഴി സൗജന്യമായി അപ്ഡേറ്റ് ചെയ്യാം. ആധാര് അപ്ഡേറ്റ് ചെയ്യുന്നതിന്, പാസ്പോര്ട്ട്, ഡ്രൈവിംഗ് ലൈസൻസ്, വോട്ടര് ഐഡി കാര്ഡ്, പാൻ കാര്ഡ് അല്ലെങ്കില് സര്ക്കാര് നല്കിയ മറ്റേതെങ്കിലും രേഖ എന്നിവ പോലുള്ള നിങ്ങളുടെ ഐഡന്റിറ്റി തെളിയിക്കാൻ പ്രസക്തമായ ഏതെങ്കിലും രേഖകള് സമര്പ്പിക്കേണ്ടതുണ്ട്.
ആധാര് കാര്ഡ് എങ്ങനെ അപ്ഡേറ്റ് ചെയ്യാം:
- യുഐഡിഎഐയുടെ ഔദ്യോഗിക വെബ്സൈറ്റ് തുറക്കുക
- ‘എന്റെ ആധാര്’ മെനുവിലേക്ക് പോകുക.
- ‘നിങ്ങളുടെ ആധാര് അപ്ഡേറ്റ് ചെയ്യുക’ എന്ന ഓപ്ഷൻ തിരഞ്ഞെടുക്കുക
- ‘അപ്ഡേറ്റ് ചെയ്യുക’ എന്നതില് ക്ലിക്ക് ചെയ്ത് തുടരുക’ എന്നത് തിരഞ്ഞെടുക്കുക
- ആധാര് കാര്ഡ് നമ്ബര് നല്കുക
- ക്യാപ്ച വെരിഫിക്കേഷൻ നടത്തുക
- ‘ഒട്ടിപി നല്കുക
- ‘ഡെമോഗ്രാഫിക്സ് ഡാറ്റ അപ്ഡേറ്റ് ചെയ്യുക’ എന്ന ഓപ്ഷനിലേക്ക് പോകുക
- അപ്ഡേറ്റ് ചെയ്യാൻ വിശദാംശങ്ങളുടെ ഓപ്ഷൻ തിരഞ്ഞെടുക്കുക
- പുതിയ വിശദാംശങ്ങള് നല്കുക
- ആവശ്യമുള്ള ഡോക്യൂമെന്റസ് സ്കാൻ ചെയ്ത പകര്പ്പ് അപ്ലോഡ് ചെയ്യുക
- നല്കിയ വിവരങ്ങള് കൃത്യമാണോയെന്ന് പരിശോധിക്കുക
- ഓടിപി ഉപയോഗിച്ച് സാധൂകരിക്കുക