ഒക്ടോബര് വരെ കല്ക്കരി ക്ഷാമം, പ്രശ്നം തുടരും; വൈദ്യുതി ഉറപ്പാക്കി കെഎസ്ഇബി
തിരുവനന്തപുരം ∙ കല്ക്കരി ക്ഷാമത്തെത്തുടര്ന്ന് രാജ്യത്ത് അനുഭവപ്പെടുന്ന ഊര്ജ പ്രതിസന്ധി വരുന്ന ആഴ്ചകളിലും തുടരാനുള്ള സാധ്യത മുന്നിര്ത്തി സംസ്ഥാനത്ത് വൈദ്യുതി ക്ഷാമമുണ്ടാകാതിരിക്കാനുള്ള നടപടികള് ആരംഭിച്ചതായി കെഎസ്ഇബി. കേരളം ആശ്രയിക്കുന്ന 27 കല്ക്കരി നിലയങ്ങളില് മൂന്നെണ്ണം (എന്ടിപിഎല്, ജബുവ പവര് ലിമിറ്റഡ്, മെജിയ) ഇറക്കുമതി ചെയ്ത കല്ക്കരിയാണ് ഉപയോഗിക്കുന്നത്.
തോട്ടിയാര് ജലവൈദ്യുത പദ്ധതിയുടെ (70 മെഗാവാട്ട്) നാല് വര്ഷമായി പ്രതീക്ഷിച്ചിരുന്ന പാരിസ്ഥിതിക അനുമതി (സ്റ്റേജ് 1) ലഭ്യമായി. മൂന്ന് മാസത്തിനുള്ളിൽതന്നെ ആദ്യ ജനറേറ്റര് (40 മെഗാവാട്ട്) പ്രവര്ത്തനസജ്ജമാകും. വൈകിട്ട് 6നും 11നും ഇടയില് ഉയര്ന്ന വൈദ്യുതി ഉപയോഗമുള്ള ഉപകരണങ്ങള് പ്രവര്ത്തിപ്പിക്കാതിരിക്കാന് ഉപയോക്താക്കള് പരമാവധി ശ്രദ്ധിക്കണമെന്നു വൈദ്യുതി ബോര്ഡ് അഭ്യര്ഥിച്ചു.