സിദ്ദീഖ് വധത്തിന് ഒരുമാസം; പ്രധാന പ്രതികൾ കാണാമറയത്ത്

കാസർകോട്: പ്രവാസി യുവാവ് പുത്തിഗെ മുഗു റോഡ് അബൂബക്കർ സിദ്ദീഖിനെ (31) തട്ടിക്കൊണ്ടുപോയി കൊലപ്പെടുത്തി ഒരുമാസം പിന്നിട്ടിട്ടും പ്രധാന പ്രതികൾ കാണാമറയത്ത്. സംഭവത്തിൽ ആറുപേർ പിടിയിലായത് ഒഴിച്ചാൽ പ്രധാനികൾ എല്ലാം നാടുവിട്ടതാണ് അന്വേഷണ സംഘത്തെ കുഴക്കുന്നത്. അക്രമികളെ പിടികൂടാൻ ഏതറ്റം വരെ പോകുമെന്നും അന്വേഷണം നേരായ ദിശയിലാണെന്നും ജില്ലയിലെ എം.എൽ.എമാർക്ക് മുഖ്യമന്ത്രി നിയമസഭയിൽ ഉറപ്പുനൽകിയിരുന്നു.