യുവജനക്ഷേമ ബോർഡ് വൈസ് ചെയർമാൻ പി ബിജു അന്തരിച്ചു
എസ്എഫ്ഐ മുന് സംസ്ഥാന സെക്രട്ടറി കൂടിയായിരുന്നു
തിരുവനന്തപുരം: യുവജനക്ഷേമ ബോര്ഡ് വൈസ് ചെയര്മാന് പി ബിജു(43) അന്തരിച്ചു. ഹൃദയാഘാതമാണ് മരണകാരണം. കോവിഡിനെത്തുടര്ന്ന് തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലായിരുന്നു.
ഒക്ടോബര് 21നാണ് ബിജുവിന് കോവിഡ് സ്ഥിരീകരിച്ചത്. പത്ത് ദിവസത്തിന് ശേഷം നടത്തിയ പരിശോധനയില് കോവിഡ് നെഗറ്റീവ് ആയെങ്കിലും പോസ്റ്റ് കോവിഡ് ബുദ്ധിമുട്ടുകളെത്തുടര്ന്ന് ആശുപത്രിയില് തന്നെ തുടരുകയായിരുന്നു. ഉയര്ന്ന പ്രമേഹവും രക്തസമ്മര്ദ്ദവും ഉണ്ടായിരുന്നു. കഴിഞ്ഞ ഒരാഴ്ചയായി ഗുരുതരാവസ്ഥയിലായിരുന്ന ബിജുവിനെ വൃക്കകള് തകരാറിലായതിനാല് ഡയാലിസിസിന് വിധേയനാക്കി.
സിപിഎം ജില്ലാ കമ്മറ്റി അംഗമാണ് ബിജു. എസ്എഫ്ഐ മുന് സംസ്ഥാന സെക്രട്ടറിയാണ്.