ഫാഷൻ ഗോൾഡ്: നിക്ഷേപകരുടെ ബാധ്യത പാർട്ടി ഏറ്റെടുക്കില്ല: കെ പി എ മജീദ്
കാസർഗോഡ് : ഫാഷൻ ഗോൾഡ് നിക്ഷേപകരുടെ ബാധ്യത പാർട്ടി ഏറ്റെടുക്കില്ലെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി കെ പി എ മജീദ് പറഞ്ഞു. വിദ്യാനഗർ ഡി സി സി ഓഫീസിൽ നടന്ന യു ഡി എഫ് നേതൃ യോഗം കഴിഞ്ഞതിന് ശേഷം പുറത്തിറങ്ങി മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. ഇക്കാര്യത്തിൽ ലീഗ് നേരത്തെ നിലപാട് വ്യക്തമാക്കിയതാണെന്നും അദ്ദേഹം കൂട്ടിച്ചേർത്തു , എം സി ഖമറുദ്ദീന്റെ രാഷ്ട്രീയ കാര്യങ്ങളെക്കുറിച്ചുള്ള മാധ്യമപ്രവർത്തകരുടെ ചോദ്യങ്ങൾക്ക് ഇപ്പോൾ ഒന്നും പ്രതികരിക്കാനില്ല എന്ന മറുപടിയാണ് ലീഗ് സെക്രട്ടറിയിൽ നിന്നുമുണ്ടായത്.