സുരേന്ദ്രന്റെ ഭീഷണി വടക്കേ ഇന്ത്യയിൽ മതി; കേരളത്തില് ബിജെപി അത്രയ്ക്ക് ആയിട്ടില്ല- തോമസ് ഐസക്ക്
കൊച്ചി: ബി.ജെ.പി. സംസ്ഥാന അധ്യക്ഷൻ കെ.സുരേന്ദ്രന് മറുപടിയുമായി ധനമന്ത്രി തോമസ് ഐസക്ക്. ബിജെപി പ്രസിഡന്റിന്റെ ഭീഷണി കേരളത്തിൽ വേണ്ട, വല്ല വടക്കേ ഇന്ത്യയിലും മതിയെന്ന് തോമസ് ഐസക്ക് പറഞ്ഞു. കേരളത്തിൽ ബിജെപി അത്രയ്ക്ക് ആയിട്ടില്ലെന്നും തോമസ് ഐസക്ക് പറഞു. പ്രതിപക്ഷം ബിജെപിയുടെ ബി ടീം ആകരുതെന്നും അദ്ദേഹം കൂട്ടിച്ചേർത്തു. വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. നേരത്തെ സ്വപ്ന സുരേഷും തോമസ് ഐസക്കുമായി വളരെ അടുത്തബന്ധമാണ് ഉള്ളതെന്ന് സുരേന്ദ്രൻ ആരോപിച്ചിരുന്നു. എന്ത് ബന്ധമാണെന്ന് ഐസക്ക് തന്നെ വ്യക്തമാക്കണമെന്ന് ആവശ്യപ്പെട്ട അദ്ദേഹം ടെലഫോൺ രേഖകൾ പരിശോധിച്ചാൽ ഇത് മനസ്സിലാകുമെന്നും പറഞ്ഞു. കിഫ്ബിയിലും സ്വർണക്കടത്ത് സംഘം ഇടപെട്ടുവെന്നും സുരേന്ദ്രൻ ആരോപിച്ചിരുന്നു.