സൂയസ് കനാൽ പ്രതിസന്ധിക്ക് വിരാമം ; ചരക്കുകപ്പൽ സാധാരണ നിലയിലേക്ക് തിരിച്ചെത്തി
സൂയസ് കനാല് പ്രതിസന്ധിക്ക് വിരാമം. മണല്തിട്ടയില് കുരുങ്ങിയ ‘എവര് ഗിവണ്’ ചരക്കുകപ്പല് സാധാരണ നിലയിലേക്ക് തിരിച്ചെത്തി. മണ്ണുമാന്തി കപ്പലുകളുടെയും നിരവധി ബോട്ടുകളുടെയും കഠിന പ്രയത്നത്തിനൊടുവിലാണ് ലോകത്തിന്റെ വിവിധ ഭാഗങ്ങളിലേക്കുള്ള ചരക്കുനീക്കത്തിന് തിരിച്ചടിയായ പ്രതിസന്ധിക്ക് പരിഹാരമായത്.
മണലിന്റെ പിടിയില് നിന്ന് മോചിപ്പിക്കപ്പെട്ടെങ്കിലും എവര് ഗിവണിന് ഉടന് തീരം വിടാനാകില്ല.വിദഗ്ധ സംഘത്തിന്റെ പരിശോധന കഴിഞ്ഞേ മടങ്ങാനാകൂ.കപ്പലിനെ മണല് കുരുക്കില് നിന്ന് രക്ഷിക്കാന് മുപ്പതിനായിരം ക്യുബിക് മീറ്റര് മണ്ണും മണലുമാണ് സൂയസ് കനാലില് നിന്ന് നീക്കിയത്. സൂയസില് കപ്പല് കുടുങ്ങിയതോടെ ലോകത്തിന്റെ വിവിധ ഭാഗങ്ങളിലേക്കുള്ള ചരക്കുനീക്കമാണ് നിന്നുപോയത്.