സി.എ.എ നടപ്പാക്കാനുള്ള കേന്ദ്രനീക്കത്തിനെതിരെ മുസ്ലിം ലീഗ് സുപ്രീംകോടതിയിേലക്ക്
ന്യൂഡൽഹി: സി.എ.എ നടപ്പാക്കാനുള്ള കേന്ദ്ര തീരുമാനത്തിനെതിരെ മുസ്ലിം ലീഗ് സുപ്രീംകോടതിയെ സമീപിക്കും. കേന്ദ്ര വിജ്ഞാപനം ചോദ്യം ചെയ്താണ് മുസ്ലിംലീഗിന്റെ ഹരജി. പൗരത്വ ഭേദഗതി നിയമത്തിനെതിരെ കഴിഞ്ഞ വർഷം സുപ്രീംകോടതിയിൽ ലീഗ് ഹരജി സമർപ്പിച്ചിരുന്നു. കേസ് പരിഗണിക്കുന്നവേളയിൽ ഇതിന്റെ ചട്ടങ്ങൾ രൂപീകരിച്ചിട്ടില്ലെന്നും തുടർനടപടി ഉടൻ ഉണ്ടാവില്ലെന്ന് കേന്ദ്രസർക്കാർ കോടതിയെ അറിയിച്ചിരുന്നു.
തുടർന്ന് കേസ് പിന്നീട് പരിഗണിക്കാൻ മാറ്റി. കേന്ദ്രസർക്കാറിന്റെ ഉറപ്പിൻമേൽ പൗരത്വ ഭേദഗതി നിയമവുമായി ബന്ധപ്പെട്ട് സുപ്രീംകോടതി ഇടക്കാല ഉത്തരവ് പുറപ്പെടുവിച്ചിരുന്നില്ല. കോവിഡ് ബാധയെ തുടർന്ന് കോടതി കേസ് പരിഗണിച്ചിരുന്നില്ല. ഇതിനിടെയാണ് പൗരത്വനിയമം നടപ്പാക്കുന്നതിനുള്ള നടപടികളുമായി കേന്ദ്ര ആഭ്യന്തര മന്ത്രാലയം മുന്നോട്ട് പോയത്.
ഇതുമായി ബന്ധപ്പെട്ട് ആഭ്യന്തര മന്ത്രാലയം പുറപ്പെടുവിച്ച വിജ്ഞാപനം റദ്ദാക്കണമെന്നാണ് ഹരജിയിലെ പ്രധാന ആവശ്യം. ഹരജി ഇന്ന് തന്നെ ഫയൽ തന്നെ ചെയ്യുമെന്നാണ് സൂചന.