2021 കാസർകോടിന് പ്രതീക്ഷകളും പ്രതിസന്ധികളും തന്ന വർഷം

കേന്ദ്രം കേരളത്തിന് പ്രഖ്യാപിച്ച എയിംസ് കാസർകോടിന് വേണമെന്ന് ആവശ്യപ്പെട്ട് നടത്തിയ സമരം തലസ്ഥാന നഗരി വരെയെത്തി. സംസ്ഥാനം നൽകുന്ന പട്ടികയിൽ ജില്ലയെ ഉൾപ്പെടുത്തണമെന്നാണ് എയിംസ് ജനകീയ കൂട്ടായ്മയുടെ ആവശ്യം. സർവകക്ഷി പിന്തുണയോടെ തുടങ്ങിയ സമരത്തിൽനിന്ന് ഇടതുപക്ഷ ജനപ്രതിനിധികളും ഭാരവാഹികളും പിന്നീട് പിൻമാറി. എയിംസ് കാസർകോട്ട് സ്ഥാപിക്കില്ലെന്ന് മുഖ്യമന്ത്രി വ്യക്തമാക്കിയതോടെയാണ് ഭരണപക്ഷ സംഘടനകളുടെ പിന്മാറ്റം. എയിംസ് കോഴിക്കോട് സ്ഥാപിക്കാൻ നടപടികളുമായി സർക്കാർ മുന്നോട്ടുപോകുമ്പോഴും തളരാത്ത സമരാവേശവുമായി എയിംസ് കൂട്ടായ്മ രംഗത്തുണ്ട്.