സൈബര് തട്ടിപ്പും ലഹരിയും: നൈജീരിയക്കാരുടെ ഇഷ്ടകേന്ദ്രമായി കേരളം,യുവതിയെ കൊച്ചിയിലെത്തിച്ചു
കൊച്ചി: നൈജീരിയന് സംഘത്തിന്റെ സൈബര് തട്ടിപ്പിന്റെ മുഖ്യ കേന്ദ്രമായി കേരളം മാറുന്നു. മുംബൈ, ബെംഗളൂരു, ഗോവ, ഡല്ഹി എന്നിവിടങ്ങളില് താമസമാക്കിയ നൈജീരിയന് വംശജരാണ് തട്ടിപ്പിനു പിന്നില്. വര്ഷം 300 കോടി രൂപയ്ക്കു മുകളില് ഇവര് വിവിധ കേസുകളിലായി കേരളത്തില്നിന്ന് തട്ടിയെടുക്കുന്നുണ്ടെന്നാണ് സൈബര് പോലീസിന്റെ കണക്ക്.
തട്ടിപ്പിനിരയാകുന്നവരില് ചെറിയ ശതമാനം മാത്രമാണ് പരാതിയുമായി എത്തുന്നത്. തിരുവനന്തപുരം ജില്ലയില് ഒരു കേസില് മാത്രം 1.17 കോടി രൂപ വരെ തട്ടിയെടുത്ത സംഭവവുമുണ്ട്.