പ്രവാസിയുടെ 107 കോടി മരുമകന് തട്ടിയെന്ന് കേസ്; മകൾക്കു കൊടുത്ത 1000 പവനും 1.5 കോടിയുടെ കാറും തട്ടി
കൊച്ചി ∙ ആലുവയിലെ പ്രവാസി വ്യവസായിയിൽ നിന്ന് മരുമകന് 107 കോടി രൂപയിലേറെ തട്ടിയെടുത്തെന്ന കേസില് ക്രൈംബ്രാഞ്ച് അന്വേഷണം ആരംഭിച്ചു. ഗോവയിലേക്ക് കടന്ന മുഖ്യപ്രതി മുഹമ്മദ് ഹാഫിസിനെ പിടികൂടാന് നടപടികള് ഊര്ജിതമാക്കി. മുഹമ്മദ് ഹാഫിസ്, സുഹൃത്ത് അക്ഷയ് തോമസ് വൈദ്യൻ എന്നിവര്ക്കെതിരെ ആലുവ സ്വദേശി അബ്ദുള് ലാഹിര് ഹസനാണ് പരാതി നല്കിയത്
അഞ്ച് വര്ഷം മുന്പായിരുന്നു കാസർകോഡ് സ്വദേശിയായ മുഹമ്മദ് ഹാഫിസുമായി പ്രവാസി വ്യവസായി അബ്ദുള് ലാഹിര് ഹസന്റെ മകള് ഹാജിറയുടെ വിവാഹം. ഇതിനു പിന്നാലെയായിരുന്നു തട്ടിപ്പുകളുടെ ഘോഷയാത്ര. തന്റെ കമ്പനിയില് എന്ഫോഴ്സ്മെന്റ് ഡയറക്ടറേറ്റിന്റെ (ഇഡി) റെയ്ഡ് നടന്നുവെന്നു പറഞ്ഞ് പിഴയടയ്ക്കാന് നാല് കോടി രൂപ വാങ്ങിയായിരുന്നു തട്ടിപ്പിന്റെ തുടക്കം.