3,000 പേർക്കെതിരെ കേസ്, 85 ലക്ഷത്തിന്റെ നഷ്ടം: വിഴിഞ്ഞത്ത് ഇന്ന് സര്വകക്ഷിയോഗം
തിരുവനന്തപുരം ∙ വിഴിഞ്ഞത്തു സംഘർഷാവസ്ഥ തുടരുന്നതിനിടെ, ഞായറാഴ്ച അറസ്റ്റിലായ നാലു സമരക്കാരെ സ്റ്റേഷൻ ജാമ്യത്തിൽ വിട്ടയച്ചു. ആദ്യം അറസ്റ്റിലായ സെൽട്ടനെ റിമാൻഡ് ചെയ്തു. സെൽട്ടനെ മോചിപ്പിക്കാനെത്തിയവരാണ് ഈ നാലുപേർ. വിഴിഞ്ഞം സംഘര്ഷത്തിന്റെ പശ്ചാത്തലത്തില് ഇന്ന് സര്വകക്ഷിയോഗം വിളിക്കുമെന്ന് ജില്ലാ കലക്ടര് ജെറോമിക് ജോര്ജ് പറഞ്ഞു. സമവായ ചര്ച്ചകളും തുടരും. സര്വകക്ഷിയോഗത്തില് മന്ത്രിമാരെകൂടി പങ്കെടുപ്പിക്കാന് ശ്രമിക്കുമെന്നും ജില്ലാ കലക്ടര് അറിയിച്ചു