ഷമിയും സിറാജും എറിഞ്ഞിട്ടു; ഇന്ത്യക്കെതിരെ ആദ്യ ഏകദിനത്തില് ഓസീസ് ബാറ്റിംഗ് നിര തകര്ന്നടിഞ്ഞു
മുംബൈ: ഓസ്ട്രേലിയക്കെതിരെ ആദ്യ ഏകദിനത്തില് ഇന്ത്യക്ക് 189 റണ്സ് വിജയലക്ഷ്യം. ടോസ് നഷ്ടപ്പെട്ട് ബാറ്റിംഗിനെത്തിയ ഓസീസിനെ മൂന്ന് വിക്കറ്റ് വീതം നേടിയ മുഹമ്മദ് ഷമി, മുഹമ്മദ് സിറാജ് എന്നിവരാണ് തകര്ത്തത്. രവീന്ദ്ര ജഡേജ രണ്ട് വിക്കറ്റ് വീഴ്ത്തി. 65 പന്തില് 81 റണ്സ് നേടിയ മിച്ചല് മാര്ഷൊഴികെ മറ്റാര്ക്കും തിളങ്ങാന് സാധിച്ചില്ല. മൂന്ന് മത്സരങ്ങളുടെ പരമ്പരയില് ആദ്യത്തേതാണ് മുംബൈയിലേത്. 00:00 / 02:00 ഓപ്പണര് ട്രാവിസ് ഹെഡ്ഡാണ് (5) ആദ്യം പുറത്തായത്. ഹെഡിനെ മുഹമ്മദ് സിറാജ് ബൗള്ഡാക്കി. പിന്നാലെ മാര്ഷ്- സ്റ്റീവ് സ്മിത്ത് (22) സഖ്യം 72 റണ്സ് കൂട്ടിചേര്ത്തു. എന്നാല് ഓസീസ് ക്യാപ്റ്റനെ പുറത്താക്കി ഹാര്ദിക് പാണ്ഡ്യ ഇന്ത്യക്ക് ബ്രേക്ക് ത്രൂ നല്കി. ഇതോടെ രണ്ടിന് 77 എന്ന നിലയിലായി ഓസീസ്. തുടര്ന്നെത്തിയ മര്നസ് ലബുഷെയ്നൊപ്പം 52 റണ്സ് കൂട്ടിചേര്ക്കന് മാര്ഷിനായി. എന്നാല് ജഡേജ മാര്ഷിനെ മടക്കി. ഇതോടെ മൂന്നിന് 129 എന്ന നിലയിലായി ഓസീസ്. പിന്നാലെ ഓസീസിന്റെ തകര്ച്ചയും ആരംഭിച്ചു. 15 റണ്സെടുത്ത ലബുഷെയ്നെ കുല്ദീപ് യാദവ് പുറത്താക്കി. മധ്യനിരയാവട്ടെ ഷമിക്ക് മുന്നില് തകര്ന്നു. ജോഷ് ഇന്ഗ്ലിസ് (26), കാമറൂണ് ഗ്രീന് (12), മാര്കസ് സ്റ്റോയിനിസ് (8) എന്നിവരെയാണ് ഷമി മടക്കിയത്. ഗ്ലെന് മാക്സ്വെല്ലിനെ (8) ജഡേജ പുറത്താക്കി. സീന് അബോട്ട് (0), ആഡം സാംപ (0) എന്നിവരെ സിറാജ് മടക്കിയതോടെ ഓസീസ് കൂടാരം കയറി. മിച്ചല് സ്റ്റാര്ക്ക് (4) പുറത്താവാതെ നിന്നു. ഇന്ത്യ: ശുഭ്മാന് ഗില്, ഇഷാന് കിഷന്, വിരാട് കോലി, സൂര്യകുമാര് യാദവ്, കെഎല് രാഹുല്, ഹാര്ദിക് പാണ്ഡ്യ (ക്യാപ്റ്റന്), രവീന്ദ്ര ജഡേജ, ഷാര്ദുല് ഠാക്കൂര്, കുല്ദീപ് യാദവ്, മുഹമ്മദ് സിറാജ്, മുഹമ്മദ് ഷമി. ഓസ്ട്രേലിയ (പ്ലേയിംഗ് ഇലവന്): ട്രാവിസ് ഹെഡ്, മിച്ചല് മാര്ഷ്, സ്റ്റീവന് സ്മിത്ത്, മാര്നസ് ലാബുഷാഗ്നെ, ജോഷ് ഇംഗ്ലിസ്, കാമറൂണ് ഗ്രീന്, ഗ്ലെന് മാക്സ്വെല്, മാര്ക്കസ് സ്റ്റോയിനിസ്, സീന് ആബട്ട്, മിച്ചല് സ്റ്റാര്ക്ക്, ആദം സാംപ”