കൂളിമാട് പാലം തകര്ന്ന സംഭവം: നാളെ പൊതുമരാമത്ത് വകുപ്പ് വിജിലന്സ് പരിശോധിക്കും
മലപ്പുറം: കൂളിമാട് കടവ് പാലത്തില് (Koolimadu Kadavu) നാളെ പൊതുമരാമത്ത് വകുപ്പ് വിജിലന്സ് പരിശോധന. ഡെപ്യൂട്ടി ചീഫ് എഞ്ചിനിയറുടെ നേതൃത്വത്തിലായിരിക്കും പരിശോധന നടക്കുക. ഹൈഡ്രോളിക് സംവിധാനത്തിലെ പിഴവെന്ന ഊരാളുങ്കല് ലേബര് സൊസൈറ്റിയുടെ വിശദീകരണമുള്പ്പടെ പിഡബ്ല്യുഡി വിജിലന്സ് വിഭാഗം പരിശോധിക്കും. റോഡ് ഫണ്ട് ബോര്ഡും പാലത്തില് പരിശോധന നടത്തും.
ചാലിയാറിന് കുറുകെ നിര്മ്മിക്കുന്ന കൂളിമാട് പാലത്തിന്റെ മലപ്പുറം ഭാഗത്തെ ബീമാണ് ഇന്നലെ തകര്ന്ന് പുഴയില് വീണത്. യന്ത്രസഹായത്തോടെ പാലത്തിന്റെ തൂണില് ബീം ഘടിപ്പിക്കുന്നതിനിടെയാണ് അപകടമുണ്ടായത്. 2019 ലാണ് നിര്മ്മാണം തുടങ്ങിയത്. പിന്നീട് പ്രളയം കാരണം നിര്മ്മാണം തടസ്സപ്പെട്ടു. എസ്റ്റിമേറ്റ് പുതുക്കി നല്കിയാണ് നിര്മ്മാണം ആരംഭിച്ചത്.
Koolimadu Bridge : കൂളിമാട് പാലം തകര്ന്ന സംഭവത്തില് പ്രധാന പ്രതി മുഖ്യമന്ത്രിയെന്ന് ലീഗ്
പാലം തകര്ന്നത് സര്ക്കാരിനെതിരെ ആയുധമാക്കിയിരിക്കുകയാണ് യുഡിഎഫ്. നിര്മ്മാണത്തില് അഴിമതി നടന്നെന്നും വീഴ്ച്ചയില് മുഖ്യമന്ത്രിക്കും പൊതുമരാമത്ത് മന്ത്രിക്കും തുല്യപങ്കുണ്ടെന്നും മുസ്ലീം ലീഗ് നേതാവ് എം കെ മുനീര് ആരോപിച്ചു. അന്വേഷണമാവശ്യപ്പെട്ട് വിജിലന്സ് ഡയറക്ടര്ക്ക് യൂത്ത് ലീഗ് പരാതി നല്കും. നിര്മാണത്തിലെ അപാകത, അഴിമതി എന്നിവ പരിശോധിക്കണം എന്നാവശ്യപ്പെട്ട് വിജിലന്സ് ഡയറക്ടര്ക്ക് നല്കുന്ന പരാതിയില് നടപടിയുണ്ടായില്ലെങ്കില് കോടതിയെ സമീപിക്കാനാണ് യൂത്ത് ലീഗ് നീക്കം. ആരോപണം പറയേണ്ടവര്ക്ക് പറയാമെന്നും വിജിലന്സ് അന്വേഷണം നടക്കുന്നെന്നും മന്ത്രി മുഹമ്മദ് റിയാസ് പറഞ്ഞു.
കോഴിക്കോട് കൂളിമാട് പാലം തകര്ന്ന സംഭവം; മന്ത്രി മുഹമ്മദ് റിയാസ് റിപ്പോര്ട്ട് തേടി