പ്രധാനമന്ത്രിക്ക് ജന്മദിനാശംസ നേര്ന്ന് മുഖ്യമന്ത്രി പിണറായി വിജയന്
തിരുവനന്തപുരം: പ്രധാനമന്ത്രി നരേന്ദ്രമോദിക്ക് ഇന്ന് എഴുപത്തിരണ്ട് വയസ് പൂര്ത്തിയാകും. പിറന്നാള് ദിനത്തില് പ്രധാനമന്ത്രിക്ക് ജന്മദിനാശംസകള് നേര്ന്നിരിക്കുകയാണ് കേരള മുഖ്യമന്ത്രി പിണറായി വിജയന്. ട്വിറ്ററിലൂടെയാണ് മുഖ്യമന്ത്രിയുടെ ജന്മദിനാശംസകള്. പ്രിയപ്പെട്ട നരേന്ദ്രമോദിജി, ഉഷ്മളമായ ജന്മദിനാശംസകള് നേരുന്നു. എന്നാണ് പിണറായി ട്വീറ്റ് ചെയ്തിരിക്കുന്നത്.
70 വര്ഷത്തിന് ശേഷം ഇന്ത്യന് മണ്ണില് ചീറ്റകള്; കൂടുകളില് നിന്ന് തുറന്ന് വിട്ട്, ചിത്രങ്ങള് പകര്ത്തി മോദി
ജന്മദിനത്തില് നിമീബിയയില് നിന്നും കൊണ്ടുവന്ന ചീറ്റപ്പുലികളെ നരേന്ദ്രമോദി മധ്യപ്രദേശിലെ കുനോ ദേശീയ ഉദ്യാനത്തിലേക്ക് തുറന്നുവിട്ടു. മധ്യപ്രദേശില് വിവിധിയിടങ്ങളിലായി നടക്കുന്ന പരിപാടികളിലും മോദി ജന്മദിനത്തില് പങ്കെടുക്കും.
അതേ സമയം പിറന്നാള് ദിനത്തോടനുബന്ധിച്ച് രാജ്യവ്യാപകമായി സേവാ ദിവസമായി ആചരിക്കുകയാണ് ബിജെപി. ഇന്ന് മുതല് ഒക്ടോബര് 2 വരെ നീളുന്ന ആഘോഷ പരിപാടികളാണ് ബിജെപി വിവിധ സംസ്ഥാനങ്ങളിലായി സംഘടിപ്പിക്കുന്നത്.
രാവിലെ 11 മണിക്ക് ദില്ലിയിലെ ബിജെപി ആസ്ഥാനത്ത് പാര്ട്ടി ദേശീയ അധ്യക്ഷന് ജെ പി നദ്ദ മോദിയെകുറിച്ചുള്ള പ്രത്യേക പ്രദര്ശനം ഉല്ഘാടനം ചെയ്തു. ഹൈദരാബാദില് അമിത് ഷാ ഭിന്നശേഷിക്കാരായ കുട്ടികള്ക്ക് ഉപകരണങ്ങള് വിതരണം ചെയ്തു. അതേസമയം, പ്രധാനമന്ത്രിയായിരിക്കെ നരേന്ദ്രമോദിക്ക് ലഭിച്ച സമ്മാനങ്ങളുടെ ലേലവും ഇന്ന് ഓണ്ലൈനായി തുടങ്ങിയിട്ടുണ്ട്.
രാജ്യത്തിന്റെ വിവിധ ഭാഗങ്ങളില് നിന്നുള്ള പ്രശസ്ത വ്യക്തികളും അഭ്യുദയകാംക്ഷികളും കഴിഞ്ഞ കുറച്ച് വര്ഷങ്ങളായി പ്രധാനമന്ത്രി നരേന്ദ്ര മോദിക്ക് സമ്മാനിച്ച അസംഖ്യം ഉപഹാരങ്ങളും മെമന്റോകളും അദ്ദേഹത്തിന്റെ ഓഫീസിലുണ്ട്. അതിമനോഹരമായ പെയിന്റിംഗുകള്, ശില്പങ്ങള്, കരകൗശല വസ്തുക്കള് തുടങ്ങി ആകര്ഷകമായ നിരവധി സമ്മാനങ്ങളും ഉപഹാരങ്ങളുമാണ് ലേലത്തിനുള്ളത്.
ദില്ലിയിലെ നാഷണല് ഗാലറി ഓഫ് മോഡേണ് ആര്ട്ടില് അവ പ്രദര്ശിപ്പിക്കും. പ്രധാനമന്ത്രി നരേന്ദ്ര മോദിക്ക് ലഭിച്ചിട്ടുള്ള 1,200 ഉപഹാരങ്ങളുടെയും മെമന്റോകളുടെയും ലേലമാണ് നടക്കുക. അയോധ്യയിലെ രാമ ക്ഷേത്രത്തിന്റെയും കാശി വിശ്വനാഥ് ക്ഷേത്രത്തിന്റെ മോഡലുകളാണ് ഇത് ഏറ്റവും ശ്രദ്ധേയമായത്. കെ ശ്രീകാന്ത് ഒപ്പിട്ട ബാഡ്മിന്റണ് റാക്കറ്റ് അടക്കം സ്വന്തമാക്കാനുള്ള അവസരമാണ് ഒരുങ്ങുന്നത്. കൂടാതെ, ഗുസ്തി, ഹോക്കി താരങ്ങള് അടക്കം ഉള്പ്പെടുന്ന സ്പോര്ട്സ് ജഴ്സികളുമുണ്ട്.
‘മ്യാവൂ, മ്യാവൂ’; പൂച്ചക്കുഞ്ഞിന്റേതിന് സമാനമായ ചീറ്റക്കരച്ചില്! ചീറ്റപ്പുലികളെ പിടികൂടുന്ന ദൃശ്യങ്ങള് പുറത്ത്
‘ഇത് യുദ്ധത്തിന്റെ കാലം അല്ല’; പുടിന്റെ മുഖത്ത് നോക്കി പറഞ്ഞ് മോദി; വാഴ്ത്തി പാശ്ചത്യ മാധ്യമങ്ങള്