ഗുജറാത്തില് വ്യവസായശാലയുടെ ഭിത്തി തകര്ന്നുവീണ് 12 പേര് മരിച്ചു
ഗാന്ധിനഗര്: ഗുജറാത്തിലെ മോര്ബി ജില്ലയില് വ്യവസായശാലയുടെ ഭിത്തി തകര്ന്നുവീണ് 12 തൊഴിലാളികള് മരിച്ചു. ഹല്വാദ് ജിഐഡിസിയിലെ സാഗര് ഉപ്പ് ഫാക്ടറിയിലാണ് അപകടമുണ്ടായത്. പരിക്കേറ്റ 20 പേരെ ആശുപത്രിയിലേക്ക് മാറ്റി. മുപ്പതോളം പേര് കുടുങ്ങിക്കിടക്കുന്നതായി സംശയിക്കുന്നു. രക്ഷാപ്രവര്ത്തനം പുരോഗമിക്കുകയാണ്.
ചാക്കുകളില് ഉപ്പ് നിറയ്ക്കുന്നതിനിടെയായിരുന്നു അപകടമുണ്ടായത്. തൊഴിലാളികളുടെ മരണത്തില് പ്രധാനമന്ത്രി നരേന്ദ്ര മോദി അനുശോചനം അറിയിച്ചു. അപകടത്തില് മരിച്ചവരുടെ കുടുംബാംഗങ്ങള്ക്ക് 2 ലക്ഷം രൂപ വീതം പ്രധാനമന്ത്രിയുടെ ദുരിതാശ്വാസനിധിയില് നിന്ന് അടിയന്തരധനസഹായം അനുവദിച്ചു. ഗുജറാത്ത് മന്ത്രി ബ്രിജേഷ് മെര്ജയും അനുശോചനം രേഖപ്പെടുത്തി. അപകടത്തില്പ്പെട്ടവരുടെ കുടുംബാംഗങ്ങളുടെ ദുഃഖത്തില് സര്ക്കാര് പങ്കുചേരുന്നതായി അദ്ദേഹം മാധ്യമങ്ങളോട് പറഞ്ഞു.