ജപ്തി നോട്ടീസ് നല്കി: കൊല്ലത്ത് വിദ്യാര്ത്ഥിനി തൂങ്ങി മരിച്ചു
ജപ്തി നോട്ടീസ് നല്കിയതിന് പിന്നാലെ വിദ്യാര്ത്ഥിനി തൂങ്ങി മരിച്ചു. കൊല്ലം ശൂരനാടാണ് സംഭവം. ശൂരനാട് സൗത്ത് അജി ഭവനത്തില് അഭിരാമിയാണ് (18) ആത്മഹത്യ ചെയ്തത്. കേരള ബാങ്ക് ജപ്തി നോട്ടീസ് പതിച്ചതിന് പിന്നാലെയാണ് അഭിരാമി ആത്മഹത്യ ചെയ്തത്. ശ്രീ അയ്യപ്പ കോളജ് ഇരമല്ലിക്കര രണ്ടാം വര്ഷ വിദ്യാര്ത്ഥിനിയാണ്.
പണം തിരിച്ച് അടയ്ക്കാന് കേരള ബാങ്കിനോട് വീട്ടുകാര് കൂടുതല് സമയം ആവശ്യപ്പെട്ടെങ്കിലും അവര് തയ്യാറായിരുന്നില്ല. തുടര്ന്ന് ബാങ്ക് അധികൃതര് വീട്ടിലെത്തി വീടും വസ്തുവും അറ്റാച്ച് ചെയ്തതായി കാണിക്കുന്ന ബോര്ഡ് സ്ഥാപിക്കുകയായിരുന്നു. പിന്നാലെയാണ് വിദ്യാര്ത്ഥി ആത്മഹത്യ ചെയ്തത്.
കൊല്ലം ചടയമംഗലത്ത് യുവതി ഭര്ത്തൃഗൃഹത്തില് തൂങ്ങി മരിച്ചു
ലോണെടുത്തിട്ട് 4 വര്ഷം ആയതേ ഉള്ളൂവെന്നും കൊവിഡ് വരുന്നതിന് മുന്പുവരെയും കൃത്യമായി ലോണ് അടച്ചിരുന്നുവെന്നും വാര്ഡ് മെമ്ബര് ഷീജ പറയുന്നു. അജികുമാറിന്റെ ഭാര്യയ്ക്ക് രോഗം വന്നതോടെയാണ് ഇവര് ബുദ്ധിമുട്ടിലായത്. കഴിഞ്ഞ മാര്ച്ച് മാസത്തില് ഒന്നര ലക്ഷം രൂപ ഇവര് ബാങ്കില് അടച്ചിരുന്നു. രണ്ട് ദിവസത്തിനുള്ളില് പണം അടക്കാമെന്ന് പറഞ്ഞിട്ടും അത് കേള്ക്കാതെ ബാങ്ക് അധികൃതര് നോട്ടീസ് പതിക്കുകയായിരുന്നു. പത്താംക്ലാസില് മുഴുവന് വിഷയങ്ങള്ക്കും എ പ്ലസ് ലഭിച്ച മിടുക്കിയായ കുട്ടിയാണ് ജീവനൊടുക്കിയതെന്നും വാര്ഡ് മെമ്ബര് പറയുന്നു.