മോദിക്ക് കഥകളി ശിൽപം സമ്മാനം നൽകി പിണറായി: ചർച്ചയായി കോവിഡ് മുന്നൊരുക്കം
ന്യൂഡല്ഹി∙ പ്രധാനമന്ത്രി നരേന്ദ്ര മോദിയുമായി മുഖ്യമന്ത്രി പിണറായി വിജയന് കൂടിക്കാഴ്ച നടത്തി. ന്യൂഡല്ഹി സൗത്ത് ബ്ലോക്കിലെ പ്രധാനമന്ത്രിയുടെ ഓഫിസിലായിരുന്നു കൂടിക്കാഴ്ച. കോവിഡ് ഭീഷണി ഉയര്ന്നു വരുന്ന സാഹചര്യത്തില് നടത്തേണ്ട മുന്നൊരുക്കങ്ങള് ചര്ച്ച ചെയ്തു.
കോവിഡ് പ്രതിരോധിക്കുന്നതിന് കേരളം നടത്തി വരുന്ന മുന്നൊരുക്കങ്ങളും പരാമര്ശ വിഷയമായി. കേന്ദ്രവും സംസ്ഥാനവും തമ്മിലുള്ള ബന്ധം ശക്തിപ്പെടുത്തി വിവിധ കേന്ദ്ര-സംസ്ഥാന പദ്ധതികള് വേഗത്തില് പൂര്ത്തിയാക്കുന്നതിന് പ്രവര്ത്തനങ്ങള് ഊര്ജിതപ്പെടുത്തും.
കേരളത്തില് ദേശീയപാത വികസനത്തിന് സംസ്ഥാന സര്ക്കാര് നടത്തിവരുന്ന ഇടപെടലുകളും പ്രവര്ത്തനങ്ങളും മുഖ്യമന്ത്രി അറിയിച്ചു. ജല് ജീവന് മിഷനും വിവിധ ദേശീയപാതാ പദ്ധതികളും ഇതര പദ്ധതികളും വേഗത്തില് പൂര്ത്തിയാക്കുന്നത് സംബന്ധിച്ചും ചര്ച്ച ചെയ്തു. ഇരുവരും പരസ്പരം നവവത്സരാശംസകള് നേര്ന്നു.
മുഖ്യമന്ത്രി പ്രധാനമന്ത്രിയെ പൊന്നാടയണിയിച്ച് ആശംസ അറിയിച്ചു. കേരളത്തിന്റെ കഥകളി ശിൽപം സമ്മാനമായി നല്കി. ചീഫ് സെക്രട്ടറി വി.പി.ജോയിയും കൂടിക്കാഴ്ചയില് പങ്കെടുത്തു