ഐഫോണ് 15 വാങ്ങാൻ ആഗ്രഹമുണ്ടോ? ഇപ്പൊ പോയാല് 63000 രൂപയ്ക്ക് താഴെ കിട്ടും, ഓഫര് ഇങ്ങനെ
ഐഫോണില് കണ്ണ് വയ്ക്കാത്തവർ അധികം ആരുമുണ്ടാവില്ലെന്ന് ഉറപ്പാണ്. എങ്കിലും അതിന്റെ ഉയർന്ന വില തന്നെയാണ് പലരെയും പിന്നോട്ട് വലിക്കുന്ന ഘടകം. ഐഫോണ് 15 നിലവില് ഫ്ലിപ്പ്കാർട്ടില് ലിസ്റ്റ് ചെയ്തിരിക്കുന്നത് 66,499 രൂപയിലാണ്, അതിന്റെ യഥാർത്ഥ വിലയായ 79,900 രൂപയില് നിന്ന് ഗണ്യമായ കുറവോടെ. അതിനർത്ഥം ഏറ്റവും പുതിയ ഐഫോണില് ഉപഭോക്താക്കള്ക്ക് 9,901 രൂപയുടെ വൻ കിഴിവ് ലഭിക്കുന്നു. ഇത് മാത്രമല്ല ഓഫറുകള് ഇനിയുമുണ്ട്. ബാങ്ക് ഓഫറുകള്ക്കൊപ്പം, ഫ്ലിപ്പ്കാർട്ട് 3,325 രൂപ കിഴിവ് നല്കുന്നതും കൂടി ചേർത്താല് വില 63,174 രൂപയായി കുറയും. എക്സ്ചേഞ്ച് ഡീലുകള് ഉപയോഗിച്ച് ഉപയോക്താക്കള്ക്ക് കൂടുതല് ലാഭിക്കാനും പരമാവധി 50,000 രൂപ വരെ കിഴിവ് നേടാനും കഴിയും എന്ന പ്രത്യേകത കൂടിയുണ്ട്.
ഐഫോണ് 14ന്റെ പിൻഗാമി ഏകദേശം 6 മാസം മുൻപാണ് പുറം ലോകം കണ്ടത്. പുതിയ പതിപ്പിന് നിരവധി അപ്ഗ്രേഡുകള് ലഭിച്ചിരുന്നു. പുതിയ ഐഫോണ് 15ലും, ശക്തവും സവിശേഷതകളാല് സമ്ബന്നവുമായ അടിസ്ഥാന വേരിയന്റ് വാഗ്ദാനം ചെയ്യുകയെന്ന നയത്തിന് ആപ്പിള് മാറ്റമൊന്നും വരുത്തിയിട്ടില്ല.
1179 x 2556 പിക്സല് റെസല്യൂഷനുള്ള 6.1 ഇഞ്ച് എച്ച്ഡിആർ ഡിസ്പ്ലേയാണ് ഐഫോണ് 15ന് ഉള്ളത്. ദൈനംദിന ഉപയോഗത്തിനും ഗെയിമിംഗിനും വീഡിയോകള് കാണുന്നതിനും അനുയോജ്യമായ ഡിസ്പ്ലേ തന്നെയാണിത്. ആപ്പിളിന്റെ എ16 ബയോണിക് ചിപ്പ് ആണ് ഇതില് ഉപയോഗിച്ചിരിക്കുന്നത്. ഈ പ്രോസസർ മികച്ച പ്രകടനം നല്കുന്നു, സുഗമമായ മള്ട്ടിടാസ്കിംഗും ഉറപ്പാക്കുന്നു.
മുൻ മോഡലുകളില് നിന്ന് കാര്യമായ അപ്ഗ്രേഡ് ഇതില് വരുത്തിയിട്ടുണ്ട്. പിന്നില് ഡ്യുവല് ക്യാമറ സിസ്റ്റമാണുള്ളത്. പ്രധാന ക്യാമറ, മൂർച്ചയുള്ള ഫോട്ടോകള്ക്കും മെച്ചപ്പെട്ട കുറഞ്ഞ പ്രകാശ പ്രകടനത്തിനുമായി സെൻസർ-ഷിഫ്റ്റ് ഒപ്റ്റിക്കല് ഇമേജ് സ്റ്റെബിലൈസേഷനോടുകൂടിയ ശക്തമായ 48-മെഗാപിക്സല് സെൻസർ കൂടി ഉള്പ്പെടുന്നതാണ്