വായ്പയെടുത്ത് മൊബൈല് ഫോണ് വാങ്ങിയതില് തര്ക്കം; ഭര്ത്താവ് വെട്ടിപ്പരുക്കേല്പ്പിച്ച യുവതി മരിച്ചു
തൃശൂര്: മാള അഷ്ടമിച്ചിറയില് മക്കളുടെ മുന്നില്വെച്ച് ഭര്ത്താവ് വെട്ടിപ്പരുക്കേല്പിച്ച ഭാര്യ മരിച്ചു. വി വി ശ്രീഷ്മ മോള്(39) ആണ് മരിച്ചത്. കുടുംബ വഴക്കിനെത്തുടര്ന്ന് കഴിഞ്ഞ മാസം 29ന് രാത്രിയായിരുന്നു ആക്രമണം. ഗുരുതര പരുക്കുകളോടെ ചികിത്സയിലായിരുന്നു.സംഭവത്തില് ഭര്ത്താവ് വാസന് അറസ്റ്റിലായി ജനുവരി 29ന് രാത്രി 7.45നാണ് സംഭവം. ശ്രീഷ്മ സ്വകാര്യ സൂപ്പര് മാര്ക്കറ്റില് പാക്കിങ് ജോലിക്കാരിയാണ് .. ശ്രീഷ്മ വായ്പയെടുത്ത് സ്മാര്ട് ഫോണ് വാങ്ങിയതുമായി ബന്ധപ്പെട്ട തര്ക്കമാണ് കൊലപാതകത്തില് കലാശിച്ചത്. കൈകാലുകള് വെട്ടുകത്തികൊണ്ട് വെട്ടിപ്പരിക്കേല്പ്പിച്ചിരുന്നു. തുടര്ന്ന് ഗുരുതര പരുക്കുകളോടെ ശ്രീഷ്മയെ മാളയിലെ ആശുപത്രിയില് പ്രവേശിപ്പിക്കുകയായിരുന്നു. നില വഷളായപ്പോഴാണ് കൊച്ചിയിലെ സ്വകാര്യ ആശുപത്രിയിലേയ്ക്ക് മാറ്റിയത്. ഇന്ന് പുലര്ച്ചെ മൂന്നിനാണ് മരണം സംഭവിച്ചത്.