കാമുകനൊപ്പം ഒളിച്ചോടിയ ബി ജെപി സ്ഥാനാർഥിയ്ക്ക് തോൽവി
കണ്ണൂര്: തെരഞ്ഞെടുപ്പ് പ്രചാരണത്തിനിടെ ഭര്ത്താവിനെയും കുട്ടിയേയും ഉപേക്ഷിച്ച് കാമുകനൊപ്പം ഒളിച്ചോടിയ ബിജെപി വനിതാ സ്ഥാനാര്ഥിയ്ക്ക് തോല്വി.
കണ്ണൂര് മാലൂര് പഞ്ചായത്തില് ബിജെപി സ്ഥാനാര്ഥിയായി മത്സരിച്ച സി ആതിരയാണ് തോറ്റത്. 38 വോട്ടുകള് മാത്രമാണ് ഇവര്ക്ക് ലഭിച്ചത്. 706 വോട്ടുകള് നേടിയ സിപിഎം സ്ഥാനാര്ഥി ആണ് ഇവിടെ വിജയിച്ചത്. മാലൂര് പഞ്ചായത്തില് മറ്റൊരു വാര്ഡില് എന്ഡിഎ സ്ഥാനാര്ഥിയായി മത്സരിച്ച ആതിരയുടെ ഭര്ത്താവ് ധനേഷും തെരഞ്ഞെടുപ്പില് പരാജയപ്പെട്ടു.
കാസര്ഗോഡ് ബേഡകത്തുള്ള കാമുകനൊപ്പം ആയിരുന്നു തെരഞ്ഞെടുപ്പ് പ്രചാരണ സമയത്ത് ആതിര ഒളിച്ചോടിയത്. ഇവര് പിന്നീട് വിവാഹിതരായി.