സംസ്ഥാനത്ത് ശനിയും ഞായറും ലോക്ഡൗണിന് സമാനമായ നിയന്ത്രണങ്ങള്
തിരുവനന്തപുരം: സംസ്ഥാനത്ത് ശനിയാഴ്ചയും ഞായറാഴ്ചയും ലോക്ഡൗണിന് സമാനമായ നിയന്ത്രണങ്ങള് ഏര്പ്പെടുത്തി. അവശ്യ സര്വീസുകള് മാത്രമേ പ്രവര്ത്തന അനുമതി നല്കുവെന്ന് മുഖ്യമന്ത്രി പിണറായി വിജയന് അറിയിച്ചു. സംസ്ഥാനത്തെ സ്ഥിതിഗതികള് ഗുരുതരമാണെന്നും നിയന്ത്രണങ്ങള് എല്ലാവരും പാലിക്കണമെന്നും മുഖ്യമന്ത്രി അഭ്യര്ത്ഥിച്ചു. അതേസമയം ശനിയാഴ്ച നടക്കാനിരിക്കുന്ന ഹയര് സെക്കന്ഡറി പരീക്ഷകള്ക്ക് മാറ്റമില്ലെന്ന് മുഖ്യമന്ത്രി അറിയിച്ചു. പരീക്ഷയ്ക്കെത്തുന്ന അധ്യാപകര്ക്കും വിദ്യാര്ത്ഥികള്ക്കും യാത്രാനുമതി നല്കും. പരീക്ഷ കേന്ദ്രങ്ങളില് എത്തുന്ന രക്ഷിതാക്കള് കൂട്ടം കൂടാതെ ഉടന് മടങ്ങണമെന്നും നിര്ദേശമുണ്ട്.