രോഗികള്‍ കുറയുന്നു; 24 മണിക്കൂറിനിടെ രാജ്യത്ത് 43,071 പേര്‍ക്ക് കോവിഡ്; 955 മരണം; ചികിത്സയിലുള്ളവര്‍ 5 ലക്ഷത്തില്‍ താഴെ
ന്യൂഡല്‍ഹി: രാജ്യത്ത് ഇന്നലെ കോവിഡ് സ്ഥിരീകരിച്ചത് 43,071 പേര്‍ക്ക്. 52,299 പേര്‍ ഇന്നലെ രോഗമുക്തി നേടി. 955 പേരാണ് കഴിഞ്ഞ ഇരുപത്തിനാലു മണിക്കൂറിനിടെ വൈറസ് ബാധ മൂലം മരിച്ചത്. ഇതുവരെ ഇന്ത്യയില്‍ കോവിഡ് ബാധിച്ചത് 3,05,45,433 പേര്‍ക്കാണ്. ഇതില്‍ 2,96,58,078 പേര്‍ രോഗമുക്തി നേടി. നിലവില്‍ 4,85,350 പേരാണ് ആശുപത്രികളിലും വീടുകളിലുമായി ചികിത്സയില്‍ ഉള്ളത്. ഇതുവരെ 4,02,005 പേര്‍ കോവിഡ് മൂലം മരിച്ചതായും കേന്ദ്ര ആരോഗ്യമന്ത്രാലയം അറിയിച്ചു. ഇന്നലെ വരെ രാജ്യത്ത് കോവിഡ് വാക്‌സിന്‍ സ്വീകരിച്ചത് 35,12,21,306 പേരാണ്.