കുടിവെള്ളത്തിലെ വിഷാംശം നീക്കാന് നാനോ ടെക്നോളജി: ടി. പ്രദീപിന് 2 കോടിയുടെ അന്താരാഷ്ട്ര ജലപുരസ്കാരം
ചെന്നൈ: വെള്ളവുമായി ബന്ധപ്പെട്ട ഗവേഷണങ്ങള്ക്കുനല്കുന്ന പ്രിന്സ് സുല്ത്താന് ബിന് അബ്ദുള് അസീസ് അന്താരാഷ്ട്ര ജല പുരസ്കാരത്തിന് (പി.എസ്.ഐ.പി.ഡബ്ല്യു.) മദ്രാസ് ഐ.ഐ.ടി.യിലെ പ്രൊഫസര് ടി. പ്രദീപ് അര്ഹനായി. 2,66,000 ഡോളര് (ഏതാണ്ട് രണ്ടു കോടി രൂപ) സമ്മാനത്തുകയുള്ള പുരസ്കാരം സെപ്റ്റംബര് 12-ന് ന്യൂയോര്ക്കിലെ ഐക്യരാഷ്ട്രസഭാ ആസ്ഥാനത്തു നടക്കുന്ന ചടങ്ങില് സമ്മാനിക്കും.
സൗദി അറേബ്യയുടെ കിരീടാവകാശി സുല്ത്താന് ബിന് അബ്ദുള് അസീസ് 2002-ലാണ് പി.എസ്.ഐ.പി.ഡബ്ല്യു. പുരസ്കാരം ഏര്പ്പെടുത്തിയത്.