കോടിയേരിയുടെ മരണത്തില് അധിക്ഷേപകരമായ വാട്സാപ്പ് പോസ്റ്റ്: പോലീസുകാരനെ സസ്പെന്ഡ് ചെയ്തു
തിരുവനന്തപുരം: കോടിയേരി ബാലകൃഷ്ണന്റെ മരണവുമായി ബന്ധപ്പെട്ട് വാട്സ്ആപ്പില് അധിക്ഷേപകരമായ പോസ്റ്റിട്ട പൊലീസുകാരനെ സസ്പെന്ഡ് ചെയ്തു.മെഡിക്കല് കോളജ് പൊലീസ് സ്റ്റേഷനിലെ എ എസ് ഐ ഉറൂബിനെയാണ് തിരുവനന്തപുരം സിറ്റി പൊലീസ് കമ്മീഷണര് ജി സ്പര്ജന്കുമാര് സസ്പെന്ഡ് ചെയ്തത്.
പൊതുജനമധ്യത്തില് പൊലീസിനെ താറടിക്കുന്നതാണെന്നും പോസ്റ്റെന്നും സര്വീസ് ചട്ട ലംഘനമാണെന്നും ഉത്തരവില് ചൂണ്ടിക്കാട്ടുന്നു. മുന് കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന്റെ മുന് ഗണ്മാനായിരുന്നു ഉറൂബ്.
വാട്സ് ആപ്പ് ഗ്രൂപ്പില് കോടിയേരി ബാലകൃഷ്ണനെ കൊലപാതകി എന്ന് വിശേഷിപ്പിച്ചാണ് അധിക്ഷേപകരമായ കുറിപ്പിട്ടത്. സി.പി.എം ആനകോട് ബ്രാഞ്ച് സെക്രട്ടറിയാണ് ഉറൂബിനെതിരെ ഡിജിപിയ്ക്ക് പരാതി നല്കിയത്.