‘വിഴിഞ്ഞം യാഥാര്ഥ്യമായാല് കൊളംബോയിലെ 1500 കോടിയുടെ ചരക്കുനീക്കം ഇവിടെയെത്തും, സമരം അവസാനിപ്പിക്കണം’
തിരുവനന്തപുരം:വിഴിഞ്ഞം തുറമുഖ പദ്ധതി സമയബന്ധിതമായി പൂര്ത്തീകരിക്കേണ്ടത് കേരളത്തിന്റെ പൊതു ആവശ്യമാണെന്നും സംസ്ഥാനത്തിനുണ്ടാകുന്ന നേട്ടങ്ങള് കണക്കിലെടുത്ത് സമരം പിന്വലിച്ച് നാടിന്റെ വികസനവീഥിയില് അണിചേരുവാന് ബന്ധപ്പെട്ടവര് അടിയന്തിരമായി തയ്യാറാകണമെന്നും തുറമുഖം മന്ത്രി അഹമ്മദ് ദേവര്കോവില് ആവശ്യപ്പെട്ടു.ഇന്ത്യയിലെ ചരക്ക് നീക്കത്തിന്റെ 30 ശതമാനത്തോളം വിഴിഞ്ഞം അന്താരാഷ്ട്ര കപ്പല് ചാലിലൂടെയാണെങ്കിലും ചരക്ക് നീക്കത്തിന്റെ മുക്കാല് പങ്കും നിലവില് കൊളമ്ബോയില് നിന്നുമാണ് കൈകാര്യം ചെയ്യുന്നത്. ഇതുവഴി പ്രതിവര്ഷം 2,000 കോടിയുടെ നഷ്ടം രാജ്യത്തിനുണ്ടെന്നാണ് അനുമാനിക്കുന്നത്.
വിഴിഞ്ഞം യാഥാര്ഥ്യമാകുന്നതോടെ ഇതില് 1500 കോടിയുടെ ചരക്കുനീക്കം വിഴിഞ്ഞത്തുണ്ടാകും. തുറമുഖ നിര്മ്മാണത്തിന്റെ ആദ്യഘട്ടത്തിലെ 400 മീറ്ററിന്റെ രണ്ട് ബെര്ത്തുകള് പ്രവര്ത്തനക്ഷമമായാല് തന്നെ ആദ്യവര്ഷം ചുരുങ്ങിയത് 200 കോടിയുടെ ക്രയവിക്രയവുമുണ്ടാകും. ഇത് യഥാക്രമം 7822 കോടിയിലെത്തുമെന്നാണ് കണക്ക്. 7700 കോടി രൂപ ചിലവില് ആദ്യഘട്ടം പൂര്ത്തിയാകുമ്ബോള് ഒരു ദശലക്ഷം ടി ഇ യു കണ്ടയ്നര് കൈകാര്യം ചെയ്യാന് തുറമുഖം പ്രാപ്തമാകും. അനുബന്ധ വികസനങ്ങളും പതിനായിരക്കണക്കിന് തൊഴില് സാധ്യതകളും വേറെയുമുണ്ടാകും. ഇത് കേരളത്തിന്റെ വിശിഷ്യാ തിരുവനന്തപുരത്തിന്റെ മുഖഛായ തന്നെ മാറ്റും. കൂടാതെ വിഴിഞ്ഞത്തെത്തുന്ന ചരക്കുകള് ഫീഡര് വെസലുകള് വഴി സംസ്ഥാനത്തെ മറ്റ് ചെറുകിട തുറമുഖങ്ങളിലും എത്തിക്കുവാന് കഴിയുമെന്നും മന്ത്രി വിശദീകരിച്ചു.
തീരം മതി, പള്ളി വേണ്ട, അച്ചന് വേണ്ട, കന്യാസ്ത്രീയും വേണ്ടെന്ന് അലന്സിയര്! സമരക്കാര് തിരുത്തിച്ചു, ഇടതിന് വിമര്ശനം
വിഴിഞ്ഞം സമരം;’വൈദികര്ക്ക് എതിരെ രാജ്യദ്രോഹത്തിന് കേസെടുക്കണം’കേരള ചേംബര് ഓഫ് കൊമേഴ്സ്