തെരുവ് നായകളെ പേടിച്ച് മദ്രസ വിദ്യാര്ത്ഥികള്ക്കൊപ്പം തോക്കുമായി പിതാവ്;വൈറലായി ബേക്കൽ ഹദ്ധാദിലെ കാഴ്ച്ച
കാസര്കോട് : തെരുവുനായകളുടെ ഭീഷണി നേരിടാന് മദ്രസ വിദ്യാര്ഥികളുടെ സംരക്ഷണത്തിനായി തോക്കുമായി രക്ഷിതാവിന്റെ അകമ്ബടി യാത്ര.
കാസര്കോട് നിന്നുള്ള വീഡിയോ സമൂഹമാധ്യമങ്ങളില് വൈറലാണ്. കാസര്കോട് ബേക്കല് ഹദ്ദാദ് നഗറിലെ സമീറാണ് വിദ്യാര്ത്ഥികള്ക്ക് തോക്കുമായി അകമ്ബടി പോയത്. 13 ഓളം വിദ്യാര്ഥികള് മദ്രസയിലേക്ക് പോകുമ്ബോള് മുന്നില് തോക്കുമായി നീങ്ങുന്ന സമീറിനെ ദൃശ്യങ്ങളില് കാണാം. ഏതെങ്കിലും നായ ഓടിച്ചാല് തോക്കെടുത്ത് വെടിവെച്ച് കൊല്ലുമെന്ന് സമീര് പറയുന്നതും വീഡിയോയിലുണ്ട്. ഇയാളുടെ മകനാണ് ദൃശ്യങ്ങള് സമൂഹ മാധ്യമങ്ങളില് പങ്കുവെച്ചത്. എയര്ഗണാണ് കയ്യിലുള്ളതെന്നും നായയെ വെടിവെച്ചിട്ടില്ലെന്നുമാണ് ദൃശ്യങ്ങള് പ്രചരിക്കപ്പെട്ടതോടെ സമീര് പറയുന്നത്.
വീഡിയോഅതേ സമയം, തെരുവുനായ ശല്യം രൂക്ഷമാണെങ്കിലും അവയെ കൂട്ടത്തോടെ കൊന്നൊടുക്കുന്ന തരത്തില് പൊതുജനങ്ങള് നിയമം കയ്യിലെടുക്കരുതെന്ന് ഡിജിപി നിര്ദ്ദേശിച്ചു. നായ്കളെ കൊല്ലുന്നതിനും വളര്ത്തുനായ്ക്കളെ വഴിയില് ഉപേക്ഷിക്കുന്നതിനും എതിരെ വിപുലമായ ബോധവത്കരണം നിര്ദ്ദേശിച്ച് ഡിജിപി സര്ക്കുലറും ഇറക്കി.
വയനാട്ടില് തെരുവുനായ ശല്യം രൂക്ഷം: കുത്തിവയ്പ്- വന്ധ്യംകരണ നടപടികള് ഊര്ജിതമാക്കാന് തീരുമാനം
തെരുവുനായ ആക്രമണം കൂടി വരികയും ജീവന് ഭീഷണിയാണെന്ന് കണ്ട് തെരുവുനായ്ക്കളെ കൂട്ടത്തോടെ കൊന്നൊടുക്കുകയും ചെയ്യുന്ന സംഭവങ്ങള് ശ്രദ്ധയില് പെട്ടതോടെയാണ് ഹൈക്കോടതി ഇടപെട്ടത്. പൊതുജനങ്ങള്ക്കിടയില് ബോധവത്കരണത്തിന് പൊലീസ് സംവിധാനങ്ങള് വഴി സര്ക്കാര് നടപടി എടുക്കണമെന്ന നിര്ദ്ദേശത്തെ തുടര്ന്നാണ് ഡിജിപിയുടെ സര്ക്കുലര്.
നായ്ക്കളെ കൊല്ലുന്നതും മാരകമായി പരിക്കേല്പ്പിക്കുന്നതും തടവ് ശിക്ഷ കിട്ടാവുന്ന കുറ്റമാണ്. വളര്ത്തു നായ്ക്കളെ വഴിയിലുപേക്ഷിക്കുന്നവര്ക്കെതിരെയും കേസെടുക്കും. റസിഡന്സ് അസോസിയേഷനുമായി സഹകരിച്ച് വിപുലമായ ബോധവത്കരണം നടത്തണമെന്നാണ് എസ്എച്ച്ഒ മാര്ക്ക് നിര്ദ്ദേശം. ഇത് നടപ്പാകുന്നുണ്ടെന്ന് ജില്ലാ പൊലീസ് മേധാവികള് ഉറപ്പ് വരുത്തുകയും വേണം.
തൃശ്ശൂരില് വീട്ടുമുറ്റത്ത് പാത്രം കഴുകികൊണ്ടിരുന്ന സ്ത്രീക്ക് തെരുവുനായയുടെ കടിയേറ്റു
അതിനിടെ ഹൈക്കോടതി നിര്ദ്ദേശത്തെ തുടര്ന്ന് എറണാകുളം എരൂരില് നായ്ക്കളെ ചത്തനിലയില് കണ്ടെത്തിയ സംഭവത്തില് പൊലീസ് കേസെടുത്തു. കഴിഞ്ഞ ദിവസമാണ് 5 തെരുവുനായകളെ വിഷം അകത്ത് ചെന്ന് ചത്ത നിലയില് കണ്ടെത്തിയത്. നായകള്ക്ക് വിഷം നല്കി കൊന്നതാണോ എന്ന സംശയത്തിലാണ് പൊലീസ്. നായ്ക്കളുടെ ആന്തരികാവയവങ്ങള് മൃഗസംരക്ഷണ വകുപ്പ് പരിശോധനയ്ക്കായി കാക്കനാട്ടെ റീജിയണല് ലാബിലേക്ക് അയച്ചിട്ടുണ്ട്