UAE-യിൽ മഴ വീണ്ടും വരും’; മുന്നറിയിപ്പുമായി കാലാവസ്ഥാ നിരീക്ഷണകേന്ദ്രം, നേരിടാൻ സജ്ജമെന്ന് അധികൃതർ
ദുബായ്: യു.എ.ഇയില് മഴ വീണ്ടുമെത്തുമെന്ന മുന്നറിയിപ്പുമായി ദേശീയ കാലാവസ്ഥാ നിരീക്ഷണകേന്ദ്രം. തിങ്കള്, ചൊവ്വ ദിവസങ്ങളില് വീണ്ടും മഴ പെയ്യുമെന്നാണ് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകിയത്.
തിങ്കളാഴ്ച നേരിയ മഴയ്ക്കും ചൊവ്വാഴ്ച ശക്തമായ ഒറ്റപ്പെട്ട മഴയ്ക്കുമാണ് സാധ്യത. ഇടിമിന്നലോടുകൂടിയ ശക്തമായ കാറ്റിനും സാധ്യതയുണ്ട്.
യു.എ.ഇയില് കഴിഞ്ഞ ചൊവ്വാഴ്ച പെയ്ത ശക്തമായ മഴയില് നാലുപേര്ക്കാണ് ജീവന് നഷ്ടമായത്. പ്രകൃതിദുരന്തങ്ങളെ നേരിടാന് കൂടുതല് ക്രമീകരണങ്ങള് ഏര്പ്പെടുത്തിയെന്നും മഴയെ നേരിടാൻ സര്വ്വസജ്ജമാണെന്നും അധികൃതര് വ്യക്തമാക്കി.