നെഞ്ചുവേദന പറഞ്ഞിട്ടും പോലീസ് കാര്യമാക്കിയില്ല, സഹായിച്ചവരെ പിന്തിരിപ്പിച്ചു; ഐജിയുടെ റിപ്പോര്ട്ട്
കോഴിക്കോട്: കോഴിക്കോട് വടകരയില് പോലീസ് കസ്റ്റഡിയില് എടുത്ത യുവാവ് മരിച്ച സംഭവത്തില് പോലീസിന് വീഴ്ച പറ്റിയെന്ന് ഉത്തരമേഖല ഐജിയുടെ പ്രാഥമിക റിപ്പോര്ട്ട്. സജീവന് പ്രാഥമിക ചികിത്സ നല്കുന്നതില് ഗുരുതര വീഴ്ച പോലീസ് ഉദ്യോഗസ്ഥരുടെ ഭാഗത്തുനിന്ന് ഉണ്ടായെന്നാണ് ഐജിയുടെ കണ്ടെത്തല്.
നെഞ്ചുവേദന അനുഭവപ്പെട്ട കാര്യം പലതവണ പറഞ്ഞിട്ടും പോലീസ് കാര്യമായി എടുത്തില്ല. സഹായിക്കാന് ശ്രമിച്ചവരെ പിന്തിരിപ്പിച്ചു. പരിഗണന സജീവന് നല്കിയില്ലെന്നും ഗുരുതര വീഴ്ചയാണ് ഉണ്ടായതെന്നും റിപ്പോര്ട്ടിലുണ്ട്.