സാംസങ് ഗ്യാലക്സി എസ്25ല്‍ ഉപയോഗിക്കുക പഴയ ഡിസ്പ്ലേ ടെക്നോളജി; ലക്ഷ്യം വില കുറയ്ക്കുക
സാംസങ് ഗ്യാലക്സി എസ് പരമ്ബരയിലെ അടുത്ത ഫോണില്‍ ഉപയോഗിക്കുക പഴയ ഡിസ്പ്ലേ ടെക്നോളജിയെന്ന് റിപ്പോർട്ട്. ഫോണിൻ്റെ വില കുറയ്ക്കുക എന്ന ലക്ഷ്യത്തോടെ സാംസങ് പഴമയിലേക്ക് മടങ്ങുമെന്നാണ് റിപ്പോർട്ടുകള്‍ സൂചിപ്പിക്കുന്നത്.
ഇതില്‍ ഔദ്യോഗിക സ്ഥിരീകരണം വന്നിട്ടില്ല. 2025 തുടക്കത്തില്‍ തന്നെ എസ് 25 അവതരിപ്പിക്കപ്പെടുമെന്നാണ് സൂചനകള്‍. ഏറ്റവും പുതിയ ചിപ്സെറ്റായ സ്നാപ്ഡ്രാഗണ്‍ 8 എലീറ്റ് ചിപ്സെറ്റാവും ഫോണില്‍ ഉപയോഗിക്കുക. ഈ ഫോണില്‍ ഡിസ്പ്ലേ നിർമാണത്തിന് പഴയ ടെക്നോളജി ഉപയോഗിക്കുമെന്നാണ് റിപ്പോർട്ടുകള്‍. കുറഞ്ഞ ഊഷ്മാവിലുള്ള പോളിക്രിസ്റ്റാലിൻ ഓക്സൈഡ് (എല്‍ടിപിഒ) ഒഎല്‍ഇഡി പാനലുകളാവും ഡിസ്പ്ലേ നിർമാണത്തിനുപയോഗിക്കുക എന്നാണ് ചില റിപ്പോർട്ടുകള്‍ സൂചിപ്പിക്കുന്നത്.
എം13 ഓർഗാനിക് മെറ്റീരിയലുകള്‍ ഉപയോഗിച്ചാവും നിർമ്മാണം. ഈ വർഷം പുറത്തിറങ്ങിയ എസ്24ലെ ഡിസ്പ്ലേ നിർമിച്ചത് ഇങ്ങനെയാണ്. ഇക്കൊല്ലം പുറത്തിറങ്ങിയ ഐഫോണ്‍ 16 പ്രോ മോഡലുകള്‍ക്ക് ഡിസ്പ്ലേ നല്‍കിയത് സാംസങ് ആണ്. എം14 ഓർഗാനിക് മെറ്റീരിയലുകള്‍ കൊണ്ടായിരുന്നു ഈ ഡിസ്പ്ലേ നിർമിച്ചത്. ഇത് എസ്25ന് ഉപയോഗിക്കില്ല. ഫോണിൻ്റെ വില നിയന്ത്രിക്കാനാണ് ഈ തീരുമാനം. എസ്25 6.16 ഇഞ്ച് ഡിസ്പ്ലേയിലാവും പുറത്തിറങ്ങുക എന്നും റിപ്പോർട്ടുകളുണ്ട്. എസ്25+ 6.66 ഇഞ്ച് ഡിസ്പ്ലേയിലും എസ്25 അള്‍ട്ര 6.86 ഇഞ്ച് ഡിസ്പ്ലേയിലുമാവും പുറത്തിറങ്ങുക. വിലയോ മറ്റ് ഫീച്ചറുകളോ പുറത്തറിഞ്ഞിട്ടില്ല.