ഇനി സ്ലീപ്പർ ക്ലാസ് യാത്രക്കാർക്കും പുതച്ചുറങ്ങാം: മാറ്റം ഈ 10 തീവണ്ടികളിൽ

കാഞ്ഞങ്ങാട്: തീവണ്ടികളിൽ ഇനി സ്ലീപ്പർ ക്ലാസ് യാത്രക്കാർക്കും പുതച്ചുറങ്ങാം. ബെഡ്ഷീറ്റ്, തലയണ ഉൾപ്പെട്ട ബെഡ് റോൾ കിട്ടും. പണം നൽകി ഉപയോഗിക്കുാവുന്ന ഈ പദ്ധതി ചെന്നൈ ഡിവിഷനിലെ 10 തീവണ്ടികളിൽ ജനുവരി ഒന്നിന് തുടങ്ങും.

കേരളത്തിലൂടെ ഓടുന്ന മംഗളൂരു-ചെന്നൈ-മംഗളൂരു സൂപ്പർഫാസ്റ്റ് (12685/ 12686), പാലക്കാട് എക്സ്പ്രസ് (22651/ 22652), തിരുവനന്തപുരം സൂപ്പർഫാസ്റ്റ് എക്സ്‌പ്രസ് (12695/12696), ആലപ്പി സൂപ്പർഫാസ്റ്റ് എക്സ്‌പ്രസ് (22639/ 22640), മംഗളൂരു-ചെന്നൈ എക്സ്‌പ്രസ് (16159/16160) എന്നീ വണ്ടികളിൽ ഈ സൗകര്യം ലഭ്യമാകും. ഒരു ബെഡ്ഷീറ്റ്, തലയണ, തലയണ കവർ എന്നിവയ്ക്ക് 50 രൂപയാണ്. തലയണയ്ക്കും തലയണ കവറിനും 30 രൂപയും ബെഡ്ഷീറ്റിന് മാത്രമായി 20 രൂപയുമാണ് ഈടാക്കുന്നത്. തീവണ്ടികളിലെ എസി സ്ലീപ്പർ കോച്ചുകളിൽ ബെഡ് റോൾ സൗജന്യമായി നൽകുന്നുണ്ട്.