നടി നിഹാരികയുടെ വിവാഹത്തിന് പ്രൈവറ്റ് ജെറ്റിൽ കുടുംബസമേതം പറന്ന് അല്ലു അർജുൻ
തെലുങ്ക് സിനിമ താരവും ബന്ധുവുമായ നിഹാരികയുടെ വിവാഹത്തിന് നടന്‍ പ്രൈവറ്റ് ജെറ്റില്‍ കുടുംബസമേതം പറന്ന് അല്ലു അര്‍ജുന്‍. കുടുംബത്തോടൊപ്പം സ്വകാര്യ വിമാനത്തില്‍ ഉദയ്പൂരിലേക്ക് പുറപ്പെടുന്ന ചിത്രങ്ങള്‍ അല്ലു അര്‍ജുന്‍ പങ്കുവച്ചിട്ടുണ്ട്. വര്‍ഷങ്ങള്‍ക്ക് ശേഷം കുടുംബത്തോടൊപ്പം യാത്ര ചെയ്യുന്നു എന്ന കുറിപ്പോടെയാണ് അല്ലു അര്‍ജുന്‍ ചിത്രങ്ങള്‍ പങ്കുവെച്ചിരിക്കുന്നത്. ഡിസംബര്‍ ഒന്‍പതിനാണ് നിഹാരികയും ചൈതന്യ ജെവിയും തമ്മിലുള്ള വിവാഹം. ഓക മാനസു, ഒരു നല്ല നാള്‍ പാത്തു സല്‍റേന്‍, ഹാപ്പി വെഡ്ഡിങ്, സയ്യേ റാ നരസിംഹ റെഡ്ഡി എന്നീ ചിത്രങ്ങളില്‍ നിഹാരിക പ്രവര്‍ത്തിച്ചിട്ടുണ്ട്. ഉദയ്പൂരിലെ ഉദയ് വിലാസ് കൊട്ടാരത്തില്‍ വെച്ചാണ് വിവാഹം നടക്കുന്നത്.തെലുങ്ക് സിനിമാ നിര്‍മാതാവും നടനുമായ നാഗേന്ദ്ര ബാബുവിന്റെ മകളായ നിഹാരിക സിനിമാ താരങ്ങളായ രാം ചരണ്‍, അല്ലു അര്‍ജുന്‍, വരുണ്‍ തേജ്, സായ് ധറം, അല്ലു ശിരീഷ് എന്നിവരുടെ സഹോദരിയാണ്.