‘രാഷ്ട്രീയം കോടതിയില് വേണ്ട’; മുല്ലപ്പെരിയാറില് കേരളത്തിന് വിമര്ശനം, ആവശ്യം തള്ളി
ന്യൂഡല്ഹി: മുല്ലപ്പെരിയാറില് നിന്ന് വെള്ളം തുറന്നുവിടണോ വേണ്ടയോ എന്ന് മേല്നോട്ട സമിതിക്ക് തീരുമാനിക്കാമെന്ന് സുപ്രീംകോടതി. വിഷയത്തില് ഇടപെടണമെന്ന കേരളത്തിന്റെ ആവശ്യം സുപ്രീംകോടതി തള്ളി. മുല്ലപ്പെരിയാറിനെ ചൊല്ലിയുള്ള രാഷ്ട്രീയ പോര് കേരളവും തമിഴ്നാടും അവസാനിപ്പിക്കണമെന്നും കോടതി പറഞ്ഞു. മുന്നറിയിപ്പില്ലാതെ വെള്ളം തുറന്നുവിടുന്നതിന് എതിരെയുള്ള കേരളത്തിന്റെ അപേക്ഷ സുപ്രീംകോടതി പരിഗണിച്ചില്ല.
ഏതെങ്കിലും തരത്തിലുള്ള പരാതിയുണ്ടെങ്കില് ആദ്യം മേല്നോട്ട സമിതിയിയെയാണ് സമീപിക്കേണ്ടത്. മേല്നോട്ട സമതി നടപടി എടുക്കാത്തത് കേരളത്തില് നിന്നുള്ള സമിതി അംഗത്തിന്റെ പരാജയമാണെന്നും മറ്റുള്ളവരെ കുറ്റപ്പെടുത്തുന്നതിന് പകരം സ്വന്തം അംഗത്തെ കുറ്റപ്പെടുത്തുവെന്നും കോടതി പറഞ്ഞു. ഇത്തരം ആവശ്യങ്ങളുമായി നിരന്തരം സുപ്രീംകോടതിയില് എത്തരുതെന്നും ജസ്റ്റിസ് എ എം ഖാന്വിള്ക്കര് പറഞ്ഞു.