ഭരണം നടത്തുന്നവരുമായി സൗഹൃദത്തില് പോകലാണ് സമസ്തയുടെ നയം; പി.എം.എ സലാമിന് ജിഫ്രി തങ്ങളുടെ പരോക്ഷ മറുപടി
കോഴിക്കോട്: ഭരണം നടത്തുന്നവരുമായി സൗഹൃദത്തില് പോകലാണ് സമസ്തയുടെ നയമെന്ന് സമസ്ത അധ്യക്ഷൻ സയ്യിദ് ജിഫ്രി മുത്തുക്കോയ തങ്ങള്.
മുസ്ലിം ലീഗ് സംസ്ഥാന ജനറല് സെക്രട്ടറി പി.എം.എ സലാമിനാണ് ജിഫ്രി തങ്ങള് പരോക്ഷ മറുപടിയുമായി രംഗത്തെത്തിയത്. സമസ്തയുടെ ആവശ്യങ്ങള് ഭരണാധികാരികളെ നേരിട്ട് കണ്ടോ ഫോണില് വിളിച്ചോ അറിയിക്കും. യു.ഡി.എഫ് ഭരിച്ചപ്പോഴും എല്.ഡി.എഫ് ഭരിക്കുമ്ബോഴും സമസ്ത ഇത് ചെയ്തിട്ടുണ്ട്. അതിനെ ആക്ഷേപിക്കുന്ന ചിലരുണ്ടെന്നും അത് മാന്യതക്ക് യോജിച്ചതല്ലെന്നും ജിഫ്രി തങ്ങള് പറഞ്ഞു.