KSDLIVENEWS

Real news for everyone

പോലീസ് ഉദ്യോഗസ്ഥർക്ക് ക്ലീന്‍ചിറ്റ്: മോന്‍സണില്‍നിന്ന് പണം കടം വാങ്ങിയതാണെന്ന് വിശദീകരണം

SHARE THIS ON

കൊച്ചി: വ്യാജപുരാവസ്തുക്കളുടെ മറവിൽ മോൻസൺ മാവുങ്കലിന്റെ തട്ടിപ്പിൽ ഐ.ജി. ജി. ലക്ഷ്മൺ അടക്കമുള്ള പോലീസ് ഉദ്യോഗസ്ഥർക്ക് ക്ലീൻ ചിറ്റ് നൽകി ക്രൈംബ്രാഞ്ച് ഹൈക്കോടതിയിൽ റിപ്പോർട്ടുനൽകി. പോലീസ് ഉദ്യോഗസ്ഥർക്ക് മോൻസണുമായി അടുത്തബന്ധം ഉണ്ടായിരുന്നെങ്കിലും തട്ടിപ്പിൽ അവർക്ക് പങ്കില്ലെന്നാണ് റിപ്പോർട്ടിൽ പറയുന്നത്.

അതേസമയം, കെ.പി.സി.സി. പ്രസിഡന്റ് കെ. സുധാകരൻറെ സാന്നിധ്യത്തിലാണ് മോൻസണ്‌ 25 ലക്ഷം രൂപ കൈമാറിയതെന്ന ഹർജിക്കാരന്റെ ആരോപണത്തിൽ അന്വേഷണം ആവശ്യമാണെന്നും റിപ്പോർട്ടിൽ പറയുന്നു. ഇതുവരെ കെ. സുധാകരനെ ചോദ്യം ചെയ്തിട്ടില്ല.

അന്വേഷണ ഉദ്യോഗസ്ഥനായ ക്രൈംബ്രാഞ്ച് എസ്.പി. എം.ജെ. സോജൻ ആണ് റിപ്പോർട്ട് നൽകിയത്. തട്ടിപ്പുകേസിൽ അന്വേഷണത്തിനായി പ്രത്യേകസംഘത്തെ നിയോഗിക്കണം എന്നാവശ്യപ്പെട്ട് പരാതിക്കാരനായ ഷെമീർ നൽകിയ ഹർജിയിലാണിത്. ഹർജി ബുധനാഴ്ച കോടതി പരിഗണിക്കും.

Leave a Reply

Your email address will not be published. Required fields are marked *

error: Content is protected !!