കേരളത്തിൽ യുഡിഎഫ് തരംഗം; ആഹ്ലാദ പ്രകടനം തുടങ്ങി പ്രവർത്തകർ

തിരുവനന്തപുരം: സംസ്ഥാന നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിക്കുമ്പോൾ യുഡിഎഫ് അനുകൂല തരംഗം. പിന്നാലെ പ്രവർത്തകർ ആഹ്ലാദ പ്രകടനം തുടങ്ങി. വോട്ടെണ്ണൽ മൂന്ന് മണിക്കൂറിനോടടുക്കുമ്പോൾ മുഖ്യമന്ത്രി പിണറായി വിജയനും പിന്നിലായെങ്കിലും പിന്നീട് 1500 ലധികം വോട്ടിന് ലീഡിലാണ്. മറ്റ് മന്ത്രിമാർ പിന്നിലാണ്. റോഷി അഗസ്റ്റിൻ, വി.എൻ.വാസവൻ, ആർ.ബിന്ദു, ഗണേഷ് കുമാർ, പി.രാജീവ്, ഒ.ആർ.കേളു, വി.ശിവൻകുട്ടി, വീണാ ജോർജ്, അബ്ദുറഹിമാൻ, എം.ബി.രാജേഷ്, ജെ.ചിഞ്ചുറാണി, എ.കെ.ശശീന്ദ്രൻ, പി.പ്രസാദ് എന്നിവർ പിന്നിലാണ്. യുഡിഎഫ് പ്രമുഖരെല്ലാം മുന്നിലാണ്.