പെരിയ ഇരട്ടക്കൊലപാതകത്തില് പുനരന്വേഷണം ആവശ്യപ്പെട്ട് കുടുംബങ്ങള്
കാസര്കോട്: പെരിയ ഇരട്ടക്കൊലക്കേസില് (Periya double murder case) പുനരന്വേഷണം ആവശ്യപ്പെട്ട് കൃപേഷിന്റേയും (Kripesh) ശരത് ലാലിന്റെയും (Sarath lal) കുടുംബങ്ങള്. കുറ്റകൃത്യത്തിലും ഗൂഡാലോചനയിലും പങ്കെടുത്ത ചിലരിലേക്ക് അന്വേഷണം വ്യാപിപ്പിക്കണമെന്നാണ് ആവശ്യം. ഇടപെടല് തേടി ഉടന് കോടതിയെ സമീപിക്കുമെന്ന് ശരത് ലാലിന്റെ അഛന് പറഞ്ഞു.
24 പേരെ പ്രതിചേര്ത്ത് ഡിസംബര് മൂന്നിന് സിബിഐ (CBI) കുറ്റപത്രം സമര്പ്പിച്ചിട്ടുണ്ടെങ്കിലും കൂടുതല് പ്രതികളുണ്ടെന്നാണ് കൊല്ലപ്പെട്ട ശരത് ലാലിന്റെയും കൃപേഷിന്റെയും കുടുംബങ്ങളുടെ നിലപാട്. അതുകൊണ്ട് തന്നെ തുടരന്വേഷണം ആവശ്യപ്പെട്ട് കോടതിയെ സമീപിക്കാനാണ് തീരുമാനം. എറണാകുളം സിജെഎം കോടതിയില് സിബിഐ സമര്പ്പിച്ച കുറ്റപത്രത്തിന്റെ പകര്പ്പ് കിട്ടിയ ശേഷം തുടരന്വേഷണ ഹര്ജി നല്കുമെന്ന് ശരത് ലാലിന്റെ അച്ഛന് സത്യനാരായണന് പറഞ്ഞു. കണ്ടെടുത്ത ആയുധങ്ങളുടെ കാര്യത്തിലും ഗൂഡാലോചനയില് പങ്കെടുത്ത ചിലരിലേക്കും അന്വേഷണം എത്തിയില്ലെന്നാണ് ആക്ഷേപം.
കേസിലെ മുഖ്യപ്രതി എ.പീതാംബരന് ഉള്പ്പടെ 16 പേര് ഇപ്പോള് റിമാന്റിലാണ്. മുന് എംഎല്എ കെ വി കുഞ്ഞിരാമന് ഉള്പ്പടെ അഞ്ച് പേര് ജാമ്യം നേടി. 2019 ഫെബ്രുവരി 17 നാണ് കല്യോട്ടെ യൂത്ത് കോണ്ഗ്രസ് പ്രവര്ത്തകരായിരുന്ന ശരത് ലാലും കൃപേഷും കൊല്ലപ്പെടുന്നത്. സിബിഐ അന്വേഷണത്തില് തൃപ്തിയില്ല.
കിഴക്കമ്ബലത്ത് കണ്ണീര്; ദീപുവിന്റെ പോസ്റ്റ് മോര്ട്ടം രാവിലെ, 3 മുതല് പൊതുദര്ശനം, സംസ്കാരം വൈകിട്ട്
കൊച്ചി: കിഴക്കമ്ബലത്ത് സിപിഎം (CPM) പ്രവര്ത്തകരുടെ മര്ദ്ദനമേറ്റ് ചികിത്സയിലിരിക്കെ മരിച്ച ട്വന്റി 20 (Twenty20) പ്രവര്ത്തകന് ദീപുവിന്റെ (Deepu) സംസ്കാരം ഇന്ന് നടക്കും. രാവിലെ പോസ്റ്റ് മോര്ട്ടം നടത്തിയ ശേഷമാകും ബന്ധുക്കള്ക്ക് മൃതദേഹം വിട്ടുകൊടുക്കുക. കോട്ടയം മെഡിക്കല് കോളേജിലാണ് പോസ്റ്റ് മോര്ട്ടം നടക്കുക. ദീപുവിന്റെ കുടുംബാംഗങ്ങളുടെ ആവശ്യപ്രകാരമാണ് പോസ്റ്റ് മോര്ട്ടം കോട്ടയത്തേക്ക് മാറ്റിയത്. ഇന്നലെ രാത്രിയാണ് മൃതദേഹം കോട്ടയത്തേക്ക് കൊണ്ട് പോയത്.
വൈകീട്ട് 5.30 ന് കാക്കനാട് അത്താണി പൊതുശമ്ശാനത്തില് ആകും ദീപുവിനെ സംസ്കരിക്കുക. അതിന് മുമ്ബ് ട്വന്റി 20 നഗറില് മൂന്ന് മണി മുതല് പൊതുദര്ശനത്തിന് വയ്ക്കും. പിന്നീട് വിലാപയാത്രയായി വീട്ടിലെത്തിക്ക് കൊണ്ടുപോകും. ചടങ്ങുകള്ക്കു ശേഷം സംസ്കരിക്കും. സിപിഎം പ്രവര്ത്തകരുടെ മര്ദനത്തില് കൊല്ലപ്പെട്ട ട്വന്റി ട്വന്റി പ്രവര്ത്തകന് ദീപുവിന്റെ പോസ്റ്റ് മോര്ട്ടം ഇന്ന് നടക്കും. കോട്ടയം മെഡിക്കല് കോളേജിലാണ് പോസ്റ്റ് മോര്ട്ടം നടക്കുക. ദീപുവിന്റെ കുടുംബാംഗങ്ങളുടെ ആവശ്യപ്രകാരമാണ് പോസ്റ്റ് മോര്ട്ടം കോട്ടയത്തേക്ക് മാറ്റിയത്. ഇന്നലെ രാത്രിയാണ് മൃതദേഹം കോട്ടയത്തേക്ക് കൊണ്ട് പോയത്. വൈകീട്ട് മൂന്ന് മണിക്ക് മൃതദേഹം കിഴക്കന്പലത്തെ ട്വന്റി ട്വന്റി നഗറില് പൊതു ദര്ശനത്തിന് വയ്ക്കും. പിന്നീട് വിലാപയാത്രയായി വീട്ടിലെത്തിക്കും. മരണാനന്തര ചടങ്ങുകള്ക്ക് ശേഷം 5.30 ഓടെ കാക്കനാട് അത്താണിയിലെ പൊതു ശ്മശാനത്തിലാണ് സംസ്കാരം. കഴിഞ്ഞ 12 നാണ് വിളക്കണയ്ക്കല് സമരത്തിനിടെ ദീപുവിന് സിപിഎം പ്രവര്ത്തകരുടെ മര്ദ്ദനമേറ്റത്. സംഭവത്തില് നാല് സിപിഎം പ്രവര്ത്തകരെ പൊലീസ് നേരത്തെ അറസ്റ്റ് ചെയ്തിരുന്നു.
തിങ്കളാഴ്ച രാവിലെയാണ് രക്തം ഛര്ദ്ദിച്ചതിനെത്തുടര്ന്ന് കിഴക്കമ്ബലത്തിന് (Kizhakkambalam) അടുത്തുള്ള ഒരു സ്വകാര്യ ആശുപത്രിയില് ദീപുവിനെ പ്രവേശിപ്പിച്ചത്. ആന്തരികരക്തസ്രാവമുണ്ടെന്നും കൂടുതല് ചികിത്സ വേണമെന്നും വ്യക്തമായതിനെത്തുടര്ന്ന് ദീപുവിനെ രാജഗിരി മെഡിക്കല് കോളേജിലേക്ക് മാറ്റുകയായിരുന്നു. ശക്തമായ ആന്തരികരക്തസ്രാവമുണ്ടായതിനാല് ദീപുവിന് ശസ്ത്രക്രിയ നടത്തിയിരുന്നു. ആരോഗ്യനില വഷളായതിനെത്തുടര്ന്ന് ദീപുവിനെ പിന്നീട് വെന്റിലേറ്ററില് പ്രവേശിപ്പിച്ചിരുന്നെങ്കിലും ജീവന് രക്ഷിക്കാനായില്ല. രോഗി മരുന്നുകളോട് പ്രതികരിക്കുന്നില്ലെന്ന് വ്യക്തമായതോടെ ഇന്നലെ രാവിലെ മെഡിക്കല് ബോര്ഡ് ചേര്ന്ന് ദീപുവിന്റെ മരണം സ്ഥിരീകരിക്കുകയായിരുന്നു.
കഴിഞ്ഞ ശനിയാഴ്ച കിഴക്കമ്ബലത്ത് കുന്നത്തുനാട് എംഎല്എ പി വി ശ്രീനിജനെതിരെ നടന്ന വിളക്കണയ്ക്കല് പ്രതിഷേധത്തിനിടെയാണ് സിപിഎം പ്രവര്ത്തകര് ട്വന്റി 20 പ്രവര്ത്തകനായ ദീപുവിനെ മര്ദ്ദിച്ചത്. കഴിഞ്ഞ ശനിയാഴ്ച രാത്രി ഏഴേകാലോടെയാണ് കാവുങ്ങപ്പറമ്ബ് പാറപ്പുറം ഹരിജന് കോളനിയില് താമസക്കാരനായ ദീപുവിന് മര്ദ്ദനമേറ്റത്. അന്നേ ദിവസം രാത്രി ഏഴ് മണി മുതല് പതിനഞ്ച് മിനിറ്റായിരുന്നു ട്വന്റി 20 ഭരിക്കുന്ന നാല് പഞ്ചായത്തുകളിലും വിളക്കണയ്ക്കല് സമരം നടന്നത്. ആളുകളില് നിന്ന് പിരിവെടുത്ത് തെരുവുവിളക്കുകള് സ്ഥാപിക്കുന്ന ട്വന്റി 20-യുടെ പദ്ധതിക്കെതിരെ പി വി ശ്രീനിജന് എംഎല്എ രംഗത്ത് വന്നതാണ് സമരത്തിന് കാരണം.
ട്വന്റി 20-യുടെ സജീവ പ്രവര്ത്തകനായ ദീപുവും പ്രതിഷേധം ഏകോപിപ്പിക്കാന് മുന്നില് ഉണ്ടായിരുന്നു. ലൈറ്റണയ്ക്കല് സമരം നടക്കുന്നതിനിടെ വീട്ടിലെത്തിയ നാല് സിപിഎം പ്രവര്ത്തകര് ദീപുവിനെ മര്ദിക്കുകയായിരുന്നു. അന്ന് ദീപു ചികിത്സ തേടിയിരുന്നില്ല. തിങ്കളാഴ്ച പുലര്ച്ചെ രക്തം ഛര്ദിച്ചതോടെയാണ് ദീപുവിനെ ആലുവയിലെ സ്വകാര്യ ആശുപത്രിയില് പ്രവേശിപ്പിച്ചത്. സംഭവവുമായി ബന്ധപ്പെട്ട് നാല് സിപിഎം പ്രവര്ത്തകരെ പൊലീസ് അറസ്റ്റ് ചെയ്തിരുന്നു. കിഴക്കമ്ബലം സ്വദേശികളും സിപിഎം പ്രവര്ത്തകരുമായ ബഷീര്, സൈനുദ്ദീന്, അബ്ദു റഹ്മാന്, അബ്ദുല് അസീസ് എന്നിവരെയാണ് കുന്നത്തുനാട് പൊലീസ് അറസ്റ്റ് ചെയ്തത്. വധശ്രമം, ഹരിജന പീഡനം എന്നീ വകുപ്പുകളാണ് ഇവര്ക്കെതിരെ ചുമത്തിയിരിക്കുന്നത്. ഇവരിപ്പോള് മൂവാറ്റുപുഴ സബ് ജയിലിലാണ്.