എട്ടാം ദിനവും വിഷപ്പുകയില് മുങ്ങി കൊച്ചി; തീ അണയ്ക്കാനുള്ള ശ്രമം തുടരുന്നു
എറണാകുളം∙ തുടര്ച്ചയായ എട്ടാം ദിവസവും വിഷപ്പുകയില് മുങ്ങി കൊച്ചി നഗരവും പരിസര പ്രദേശങ്ങളും. കടവന്ത്ര, വൈറ്റില, മരട്, പനമ്പള്ളി നഗര് മേഖലകളില് പുക അതിരൂക്ഷമാണ്. അര്ധരാത്രി തുടങ്ങിയ പുകമൂടല് ഇപ്പോഴും തുടരുന്നു. ബ്രഹ്മപുരം മാലിന്യപ്ലാന്റിലെ തീ അണയ്ക്കാനുള്ള ശ്രമം തുടരുകയാണ്. അതിനിടെ, കൊച്ചിയിലെയും സമീപപ്രദേശങ്ങളിലെയും വിദ്യാഭ്യാസ സ്ഥാപനങ്ങള്ക്ക് ഇന്നും നാളെയും അവധി പ്രഖ്യാപിച്ചിട്ടുണ്ട്. പൊതുപരീക്ഷകള്ക്ക് മാറ്റമില്ല. കൊച്ചി കോര്പറേഷന്, തൃക്കാക്കര, തൃപ്പുണിത്തുറ, മരട് നഗരസഭകളില്. വടവുകോട്–പുത്തന്കുരിശ്, കിഴക്കമ്പലം, കുന്നത്തുനാട് പഞ്ചായത്തുകളിലും അവധി. പ്രഫഷനല് കോളജ് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ബാധകം.