വീട്ടിലിരുന്ന് പണം സമ്ബാദിക്കാം; വ്യാജ ജോലി വാഗ്ദാനങ്ങള്ക്കെതിരെ മുന്നറിയിപ്പുമായി കേരള പൊലീസ്
വീട്ടിലിരുന്ന് കൂടുതല് പണം സമ്ബാദിക്കാം എന്ന് പറഞ്ഞുള്ള വ്യാജ ജോലി വാഗ്ദാനങ്ങള്ക്കെതിരെ മുന്നറിയിപ്പുമായി കേരള പൊലീസ്.
ഫേസ്ബുക്കില് പങ്കുവെച്ച പോസ്റ്റില് ഇത്തരം ജോലിക്കെതിരെ നടക്കുന്ന തട്ടിപ്പുകളെ കുറിച്ച് പൊലീസ് വ്യക്തമാക്കി. മൊബൈലിലേക്ക് സന്ദേശങ്ങള് അയച്ചാണ് കൂടുതലും തട്ടിപ്പുകാർ ഓണ്ലൈൻ ജോലി വാഗ്ദാനം ചെയ്യുന്നത്.
ടാസ്ക് പൂർത്തീകരിച്ചാലും പണം തിരികെ നല്കാതിരിക്കുന്നതാണ് തട്ടിപ്പിന്റെ രീതി. തുടക്കത്തില് ചെറിയ ടാസ്ക് നല്കിയത് പൂർത്തീകരിച്ചാല് പണം നല്കും എന്ന് പറയുകയും ടാസ്ക് പൂർത്തീകരിച്ചു കഴിഞ്ഞാല് തുടർന്ന് പങ്കെടുക്കാൻ കൂടുതല് പണം ചോദിക്കുകയും ചെയ്യുന്നു. ഈ സമയത്തിനുള്ളില് തന്നെ വലിയൊരു തുക തട്ടിപ്പുകാർ കൈക്കലാക്കിയിരിക്കും.
ഓണ്ലൈൻ സാമ്ബത്തികത്തട്ടിപ്പിനിരയായാല് ഒരു മണിക്കൂറിനകംതന്നെ വിവരം 1930 ല് എന്ന നമ്ബറിലോ www cybercrime gov.in എന്ന വെബ്സൈറ്റിലോ പരാതി രജിസ്റ്റർ ചെയ്യാം.
കേരള പൊലീസ് ഫേസ്ബുക്കില് കുറിച്ചത്
വീട്ടിലിരുന്ന് കൂടുതല് പണം സമ്ബാദിക്കാം എന്ന് പറഞ്ഞുള്ള വ്യാജ ജോലി വാഗ്ദാനങ്ങളോട് ശ്രദ്ധാപൂർവം പ്രതികരിക്കുക. സാമൂഹിക മാധ്യമങ്ങള് വഴിയാണ് കൂടുതലും തട്ടിപ്പുകാർ ഓണ്ലൈൻ ജോലി വാഗ്ദാനം ചെയ്യുന്നത്. മൊബൈലിലേക്ക് സന്ദേശങ്ങള് അയച്ചാണ് തട്ടിപ്പിന്റെ തുടക്കം.
തുടക്കത്തില് ചെറിയ ടാസ്ക് നല്കിയത് പൂർത്തീകരിച്ചാല് പണം നല്കും എന്ന് പറയുകയും ടാസ്ക് പൂർത്തീകരിച്ചുകഴിഞ്ഞാല് തുടർന്ന് പങ്കെടുക്കാൻ കൂടുതല് പണം ചോദിക്കുകയും ചെയ്യുന്നു. ടാസ്ക് പൂർത്തീകരിച്ചാലും പണം തിരികെ നല്കാതിരിക്കുന്നതാണ് തട്ടിപ്പിന്റെ രീതി. ഈ സമയത്തിനുള്ളില് തന്നെ വലിയൊരു തുക തട്ടിപ്പുകാർ കൈക്കലാക്കിയിരിക്കും.
ഓണ്ലൈൻ സാമ്ബത്തികത്തട്ടിപ്പിനിരയായാല് ഒരുമണിക്കൂറിനകം [ GOLDEN HOUR ] തന്നെ വിവരം 1930 ല് അറിയിക്കുക. എത്രയും നേരത്തെ റിപ്പോർട്ട് ചെയ്താല് തട്ടിപ്പിന് ഇരയായ വ്യക്തിക്ക് നഷ്ടപ്പെട്ട തുക തിരിച്ചു ലഭിക്കാനുള്ള സാധ്യത കൂടുതലാണ്. www cybercrime gov.in എന്ന വെബ്സൈറ്റിലും പരാതി രജിസ്റ്റർ ചെയ്യാവുന്നതാണ്.