KSDLIVENEWS

Real news for everyone

ചൈനീസ് ആപ്പുകൾക്ക് ഇന്ത്യയിൽ വീണ്ടും നിരോധനം.
പബ്ജി ഉള്‍പ്പടെ 295 ചൈനീസ് ആപ്പുകള്‍ കൂടി നിരോധിക്കാനൊരുങ്ങുന്നു

SHARE THIS ON

ന്യൂഡല്‍ഹി: രാജ്യത്ത് വീണ്ടും ചൈനീസ് ആപ്പുകൾക്ക് നിരോധനം.ടിക്ക് ടോക്ക് ഉള്‍പ്പടെ 59 ഓളം ചൈനീസ് ആപ്പുകള്‍ നിരോധിച്ച ഇന്ത്യ കൂടുതല്‍ ചൈനീസ് ആപ്പുകള്‍ നിരോധിക്കാനൊരുങ്ങുന്നു. 295 ചൈനീസ് ആപ്പുകള്‍ക്ക് കൂടി നിരോധനം ഏർപ്പെടുത്താൻ ഐടി മന്ത്രാലയത്തിന് ശുപാര്‍ശ നല്‍കി. പബ്ജി, സിലി അടക്കമുള്ള ആപ്പുകള്‍ രണ്ടാംഘട്ട നിരോധനത്തില്‍ ഉള്‍പ്പെടും.
സുരക്ഷ കണക്കിലെടുത്ത് ചില ആപ്പുകള്‍ക്ക് നേരത്തെ തന്നെ ഇന്ത്യ മുന്നറിയിപ്പ് നല്‍കിയിട്ടുണ്ടെന്ന് കേന്ദ്ര മന്ത്രാലയം അറിയിച്ചു. ചില ആപ്പുകള്‍ വിവരം ചോര്‍ത്തുന്നതായും വ്യക്തി വിവരങ്ങള്‍ പങ്കുവയ്ക്കുന്നതായും കണ്ടെത്തിയതിന്റെ അടിസ്ഥാനത്തിലാണ് ഈ ആപ്പുകള്‍ നിരോധിക്കാന്‍ ഇന്ത്യ ഒരുങ്ങുന്നത്.

141 എംഐ ആപ്പുകള്‍, കാപ്പ്കട്ട്, ഫേസ്‌യു എന്നിവയും ഇത്തവണത്തെ നിരോധന പട്ടികയില്‍ ഇടംപിടിക്കും. ഒപ്പം ടെക്ക് ഭീമന്മാരായ മെയ്റ്റു, എല്‍ബിഇ ടെക്ക്, പെര്‍ഫക്ട് കോര്‍പ്, സിന കോര്‍പ്, നെറ്റീസ് ഗെയിംസ്, യൂസൂ ഗ്ലോബല്‍ എന്നിവരുടെ ആപ്പുകളും നിരോധിക്കും.

അതിര്‍ത്തിയില്‍ ചൈന ആക്രമണം നടത്തിയതിന് പിന്നാലെയാണ് ടിക് ടോക് ഉള്‍പ്പടെ ചൈനീസ് ആപ്പുകള്‍ ഇന്ത്യയില്‍ നിരോധിച്ചത്.

Leave a Reply

Your email address will not be published. Required fields are marked *

error: Content is protected !!