കെഎം ബഷീറിനെ കാറിടിച്ച് കൊന്ന കേസ്:വഫ ഫിറോസിന്റെ വിടുതല് ഹര്ജിയില് വിധി ഇന്ന്,തെളിവില്ല,മൊഴിയുമില്ലെന്ന് വഫ
തിരുവനന്തപുരം: കെ എം ബഷീറിനെ കാറിടിച്ച് കൊന്ന കേസിലെ രണ്ടാം പ്രതിയായ വഫ ഫിറോസിന്റെ വിടുതല് ഹര്ജിയില് വിധി ഇന്ന് പറയും. തിരുവനന്തപുരം ഒന്നാം അഡീ. ജില്ലാ സെഷന്സ് കോടതിയാണ് വിധി പറയുക. മദ്യപിച്ച് അമിത വേഗത്തില് വാഹമോടിക്കാന് ഒന്നാം പ്രതിയായ ശ്രീറാമിനെ പ്രേരിപ്പിച്ചുവെന്നാണ് കുറ്റം. എന്നാല് താന് ഒരു കുറ്റവും ചെയ്തിട്ടില്ലെന്നും സാക്ഷികള് തനിക്കെതിരെ മൊഴി നല്കിയിട്ടില്ലെന്നുമാണ് വഫയുടെ വാദം. മദ്യപിച്ച് വാഹനമോടിച്ചുവെന്ന് തെളിയിക്കാന് പൊലീസിന് കഴിയാത്തതിനാല് തനിക്കെതിരായ കുറ്റം നിലനില്ക്കില്ലെന്നാണ് ശ്രീറാമിന്റെ വാദം
തെളിവ് നശിപ്പിച്ചെന്ന കുറ്റവും വഫയ്ക്കെതിരെ ചുമത്തിയിട്ടുണ്ട്. എന്നാല്, കുറ്റപത്രത്തില് അന്വേഷണ സംഘം ഉള്പ്പെടുത്തിയ 100 സാക്ഷികളില് ഒരാള് പോലും വഫയ്ക്കെതിരെ മൊഴി നല്കിയിട്ടില്ല. ഇക്കാര്യം വഫയുടെ അഭിഭാഷകന് ചൂണ്ടിക്കാട്ടിയിരുന്നു. രേഖകളിലോ പൊലീസിന്റെ അനുബന്ധ രേഖകളിലോ തെളിവില്ലെന്നും വഫയുടെ അഭിഭാഷകന് വാദിച്ചു.
2019 ഓഗസ്റ്റ് മൂന്നിന് പുലര്ച്ചെ ഒരു മണിക്കാണ് മ്യൂസിയത്തിന് സമീപം വച്ച് ശ്രീറാം വെങ്കിട്ടരാമന് ഓടിച്ച കാറിടിച്ച് മാധ്യമപ്രവര്ത്തകന് കെ എം ബഷീര് മരിച്ചത്. വഫ ഫിറോസിന്റെ പേരിലുള്ളതായിരുന്നു കെ എം ബഷീറിനെ ഇടിച്ച വാഹനം.
അപകട ദിവസം കെ.എം ബഷീറിന്റെ മൊബൈല് ഫോണ് നഷ്ടമായിരുന്നു. എന്നാല് ഈ ഫോണ് കണ്ടെത്താന് പൊലീസിന് കഴിയാത്തത് ദുരൂഹമാണ്. ഫോണില് ശ്രീറാം വെങ്കിട്ടരാമനെതിരായ ചില തെളിവുകള് ഉള്ളതായി സംശയിക്കുന്നുവെന്നും ഹര്ജിയിലുണ്ട്.
‘മദ്യപിച്ച് വാഹനം ഓടിച്ചതിന് തെളിവില്ല’, വിടുതല് ഹര്ജിയുമായി ശ്രീറാം വെങ്കിട്ടരാമന്